MAKAHO NE

Shin kai Assistant Director zan zarga da nake tura rahoto office din ka, ko kuma zan zargi Deputy director ne wanda idan ka karanta rahoto kake tura wa office din Deputy director idan ya dace? Don na fahimci duk bayanan da nake aika wa da shi suna isa gaa su safarar makamai . Shin kai zan zarga ko wani a ofishin ka yana karanta rahoto kafin rahotanni su kai gare ka?" Ko kuma wani ne zan zarga cikin wadanda cikin manyan da suke mataki na sama?" Zuciyarsa ta buga wanda hakan ya sa ya juya bayansa. Zaro idanun waje ya yi hango Nasreen sa Ma'eesha. "Sir zan bar wajen nan yaxu kawai matsala." Kamar walƙiya haka ya bar wajen nan take. Sulaiman bai ce komai ba ya cigaba da cin abincinsa. Don dama shi Makaho ruwa kawai ya buƙata ya ce ba zai ci abinci ba. "Assalamu alaikum" Nasreen ta yi ma sa sallama yayin da Ma'eesha ke bayan ta. "Baba dama wani nake nema wanda na gani a nan tare da kai?" "Wai maganar me kike yi ne yarinya? Ba kowa da nake tare da shi ni kaɗai ne a nan wajan." "Baba da shekarun ka za ka yi irin wanann magana, na gan ku tare." "Yarinya don Allah ki bar nan ba na son hayaniya."" Ma'eesha ta ja hannunta suka fita waje. "Ba kin ce mijinki yana wajen gyaran takalmi ba?" "Eh yana can ma na." "Mu je wajen za ki ga baya wajen hakan zai sa ki yarda da ni.," Suka shiga motar Nasreen ta ja suka bar wajen aguje. "Wai gudun meye haka dan Allah idan ba za ki iya tafiya a hankali ba ki ajiye ni ko ki ba ni na yi driving a hankali." Ta yi maganar tana tuna lokutan da kullum idan za ta fita da mota sai Mummy ta yi mata maganar ta yi driving a hankali kada ta yi tuƙin ganganci. Kullum abun da Mummy ke yi ma ta magana akai kenan. Ƙwalla ne ya cika idanunta a hankali ta ce. "Allah ya jikan ki Mummy Allah ya kai haske kabarinki ." "Amin ya Allah." Nasreen ta amsa idanunta na kan driving da take yi. "Ina sauri mu karasa wajan da mijinki yake gyaran takalmi ne, ina mai tabbatar ma ki da cewa ko mun je yanzu baya wajen, shi ne dai wanda na gani a wannan gidan cin abincin da muka fito. " Shiru ya biyo kafin ta ce . "Na lura fa kina son mijin nan naki da yawa, me ya sa kike son sa a matsayin sa na makaho shi ba komai yake da shi ba faƙiri ne fa, ba kuma wai dukiya ba ballantana na ce saboda kuɗin sa ne. Ko kyawun surarsa ne ya rude ki?" "Ina son sa ne sabida Allah ba don wani abu ba, kuma yana da zuciya mai kyau, duk da na shiga damuwa lokacin da aka aura ma ni shi ba tare da sani na ba, sai dai Idan zuciya ta shiga damuwa, ta rikice, ta rasa natsuwa, babu wani abu da zai kawo mata sassauci kamar tunawa da Allah, ambaton Allah, da kuma roƙon Allah. Da kike maganar kyawu ya kamata ki sani. Kyau yana da matakai, mafi ƙasƙanci shi ne kyawun kamanni, matsakaici shi ne kyawun magana, mafi tsayi shi ne kyawun ruhi, mafi daraja shi ne kyawun hali, Amma mafi tsarkakarsu duka shi ne kyawun zuciya. Nutsuwar zuciya tana cikin abu biyu, Tawakkali, ka miƙa lamuranka ga masaninin dake riƙe da gaibi, yarda, ka yarda da tabbacin cewa abin da Allah ya zaɓa maka shi ne mafi alheri ne Mutumin da yake dogaro ga ALLAH, ba ya jin haushi idan bai samu abu ba, Idan kuwa ya samu koda kaɗan ne yana godiya, ba ya jin tsanani idan ya fuskanci ƙalubale, zuciyarsa tana da salama." Jinjina kai Nasreen ta yi kafin ta ɗan kalli Ma'eesha ta ce. "Tun da kike da shi ya taba furta ma kalmar soyayya? Ya taɓa cewa yana son ki? Dariya ta yi kafin ta ce . "Soyayya da aure suna bukatar hakuri, fahimta, da kyautatawa. Idan miji ya kula da mace tagari, shi ma zai zama hasken rayuwarta. Rayuwa ba ta da sauƙi, amma da kyakkyawan zamantakewa za'a iya cimma farin ciki da zaman lafiya. Gaskiyar soyayya tana bayyana ne a cikin aikace-aikace, ba kawai a cikin magana ba. Idan miji ya zama ginshikin farin cikin matarsa, domin ita haske ce a gare sa, kuma shi haske ne a gare ta." 'To ni dai shawara da zan ba ki tun yanzu ki koyi hakuri da rashin sa, domin shi za ki iya rasa shi a kowane lokaci." "Kada ki sake yi ma ni maganar nan ba na so." "In sha Allah, amma akwai ranar da za ki gasgatani." Bayan sun shigo unguwar ne Ma"eesha ta nuna wa Nasreen in da yake zaman gyaran takami. Suna ƙarasawa ta yi parking gefe. Da maɗaukacin mamaki take kallon Makaho yana zaune ba cikin kayan da ta gan shi ba, wato suit din jikinsa da ta gan shi da shi a can. Yanzu hanyan da ya bar gida ne da su wani yafi mai arha wanda ake cewa ka yi shirun ka Maraya. Da hula taɓa ka ji hadisi da ya saka. Sai takamin soso dake ƙafarsa. Saɓanin can da ta gan shi da tsadadden takaomi. "Yanzu dai ga shi wajen sana'arsa yana aiki. Wai me mijina ya yi ma ki da kike so sai kin raba ni da shi? Me ya yi ma ki ne a rayuwa? Don Allah ya isa haka kada ki sake kawo Mani magana akan mijina ko kina zargi da ya isa haka!" Nasreen ba ta ce komai ba ta yi wa motar key suka bar wajan. Murmushi Jalaluddeen ya yi tare da magana a zuciyarsa.. 'Yarinya ba fi karfin makircin ki na wuce sanin tunanin ki.' Tun da suka kama hanya ba wanda ya sake magana a cikinsu. Nasreen ta fara tsorata da shu'umancin Jalaluddeen. Duk shirin ta na shirin tona ma sa asiri sai ya wargaza shi. Ta ya ya ma a cikin kankanin lokaci kuma bayan ta tabbatar ya ga su ne a wajen shi ne ya bar wajen. Sannan sun biyo bayansa a kankanin lokaci ne har ya isa ya zo nan ya canza kaya ya fara aikin gyaran takami. Gudu fa ta kure a mota amma duk da haka sai da ta tsallake wannan ma? Cikin takaici ta buga sitiyarin motar da ƙarfi wanda hakan ya sa Ma'eesha cewa. "Sauke ni a nan zan karasa da kafata." Ba ta saurare ta ba ta cigaba da tuƙin da take yi. "Ki damu da abun da yake gabanki ya fi ma ki da ki tsaya zaman saka wa bawan Allah ido da neman ganin aibun sa. Ta ya daga ganin wani a wani gari ki ce mijina ne, sannan yanzu kin ga wani a tsadadden gidan cin abinci ki ce shi ne, mutumin da yake aiki tuƙuru dan ganin ya samu abun da ya kawo ma na ko ba yawa ne zai samu kudin zuwa gidan abincin nan? Sannan nawa ma yake samu a rana ɗaya, ku rabin abincin wajen nan baya da shi ko da zai kai sati yana aiki yana tara kuɗin. Ke burin ki ki raba ni da shi ko?" Murmushin takaici Nasreen ta yi sanan ta ce . "Wata rana yana zuwa wanda idan gaskiya ta yi halinta, ranar da za ki shiga tashin hankali da mamaki ranar da za ki zubar da hawaye kina nadamar rashin yarda da zance na yana zuwa. Ki rubuta ki ajiye wallahi sai kin yi nadamar ƙaryata ni da kika yi ." "Nadama, nadama fa kika ce." "Ai yanzu ma ga nadamar nan na yi na biye ma ki na fita daga gidan aure na ba tare da izinin mijina ba. Kin sa na shiga tsinuwar mala'ikan Ubangiji ina zaman lafiya ta. Kada ki sake kawo ma ni wani zancen akan mijina ya isa haka nan." Daidai lokacin Nasreen ta yi parking a kofar gidan, Ma'eesha ta bude murfin motar ta fita ba tare da ta yi magana ba. Tsawon mintuna biyar Nasreen na cikin motar tana tunani, kafin ta ja motar ta bar kofar gidan. _Sidra_ Washegari dama suka yi da Sady baby akan ta zo ta raka ta wajen Mallamin da yake ma ma ta aiki. Don haka ko da ta yi breakfast ta cewa Umma za ta shiga ɗakinta ta kwanta sai rana za ta fito. Don Umma ce kadai ke sakar ma ta fuska a gidan. Don haka ko da ta yi shirin fita ta ƙofar kitchen ta fice, ba ta bi ta gate ba sai ta bi kofar baya wanda an dade ba'a bude kofar baya wanda an daɓe ba'a bude kofar ba. Ta fita daga gidan ba wanda ya ga fitan ta. A bakin titi ta hadu da mai keke nape ta tare shi ya tsaya. Har za ta shiga sai ta ga wata mata da yara biyu a ciki. Da kin kalli matar kin san tana cikin matsin rayuwa bisa la'akari da kuɗaɗun kayan jikinta da na yaran. Kallon matar ta yi tana yamutse fuska alamar wacce ta ga abun ƙyama . "Tafi Mallam ba da kowasu irin mutane nake haɗa numfashi." "Ki yi hakuri Hajiya ba kusa sauke ta ai sai ja kai ki duk in da kike so." Ba ta saurare shi ba ta matsa gefe tana tsuki. Ganin haka ya ja nape ɗin sa ya bar wajen. Ma su nape sun kai biyar tana tare wa da ta kalli kayan jikinsu ta ga alamar ba ma su tsafta da kwalliya ba ne za ta ce su tafi. Sai Surutai take yi ita kadai. "Idan ba dole ce ta sa na yi satar fitar nan ba ai da na dauki key din mota na fita da waɗan nan kucakan mutane da nake gani." Tana nan har kiran Sady baby ya shigo wayarta, ɗagawa ta yi tana cewa . "Na fito daga gidan ina titi." "Ba abun hawa ne?" "Ba ki gan su ba wasu ƙazamai da su ko wanka ba su yi ballantana ki ji ƙamshin turarerensu." "Ina ruwan ki da kuma wankan su? Ke dai ba burin ki akai ki in da kike so ba? Dan Allah ki shiga ina jiran ki kafin gidanku su san kin fito." Suna gama magana sai wani ta tsayar. Ba laifi ya yi duk da ba yadda take iya ta samu ba. Haka ta shiga ciki tana yamutse fuska ta sanar da shi in da za ta je. Ko da ya sauke ta a kofar gidan Sady baby ta tambaye shi kudinsa ya ce ma ta dubu ɗaya ta fito da dubu daya a cikin jaka ta cilla ma sa kuɗin, sai kuɗin ya fadi kasa. Mai nape din ya juya ya kalli gabas da yamma kudu da areawa ya ga ba kowa a kusa da yake kallon su. Ya fito daga keke nape ɗin ya zaro wuƙa da ya soke a ƙugunsa. Ya saita wuƙan daidai saitin maƙogoronta fuskarsa a murtuƙe. Idanu Sidra ta zaro wajen cikin tashin hankali da tsoro. *Maman Ihsan ce*✍️ 09065327995 *MAKAHO NE* *NA* Maman Ihsan ce✍️ *https://www.facebook.com/61556643936657/posts/122103978398221464/?substory_index=1596987511055341&mibextid=rS40aB7S9Ucbxw6v 💪 𝙅𝘼𝙅𝙄𝙍𝙏𝘼𝙏𝙏𝙐 𝙒𝙍𝙄𝙏𝙀𝙍'𝙎 𝘼𝙎𝙎𝙊𝘾𝙄𝘼𝙏𝙄𝙊𝙉💪✍️ (𝙅.𝙒.𝘼) _Rubutu baiwa ce daga Allah, jajirtattu ne kawai kan iya amfani da wannan ƙasaitacciyar baiwa su sauya tunanin al'umma cikin sauƙi_.✏️ Page7️⃣6️⃣ Ta fito daga keke nape ɗin, ya zaro wuƙa da ya soke a ƙugunsa. Fuskarsa a murtuƙe. Idanu Sidra ta zaro waje cikin tashin hankali da tsoro. "Sana'a ta nake yi ba Maula ba, na kawo ki in da kike so ki bani kuɗina cikin girmamawa." Cikin tsoro da fargaba ta ce. "Ka yi hakuri kada ka cutar da ni bari na ɗauko kuɗin na ba ka." "Ƴar wulaƙanci kawai na fi ki ɗanyen kai wallahi. Yanzu na ga dama sai na fassara ki a wajan nan na yi tafiyata." Yana sakin wuyanta ta duƙa ta ɗauki kudin ta mika masa, kaba ya yi ya shiga nape ɗin sa yayin da ita kuma ta faɗa gidan Sady baby q guje. Daidai lokacin Sady baby na zaune a falo tana waya, ganin yadda Sidra ta faɗo falon a guje ya sa ta katse kiran wayar da sauri ta nufi Sidra tana cewa. "Lafiya?" Kafin ya ba ta amsa ta leka harabar gidan ganin ba kowa ya sa ta karasa bakin gate ɗin, ta rufe da sakata sannan ta koma falo wajen Sidra. "Meke faruwa kika firgice haka?" Ba ta ba ta amsa ba sai dai ta nufi toilet dake cikin falon Sady baby. Don ta tsorata sosai cikinta sai da ya murɗa. Bayan ta fito ne Sady baby ta ce . "Wai meye haka ina ta tambayar ki ba ki ce komai ba kin saka ni cikin tashin hankali?" "Wallahi mai nape din ta ya ɗauko ni Ɗan daba ne shi da wuƙa yake yawo ban sani ba. Daga na jefa ma sa kudi shi kenan ya zaro wuka zai kashe ni, sai da na bashi hakuri ya sa na ɗauki kuɗin na mika ma sa ya ƙyale ni." Taɓa baki Sady baby ta yi kafin ta ce . "Allah ya kyauta." "Amin ya Allah ." "Za mu tafi yanzu ne ko sai kin huta?" "A'a wani hutu byNa na sanar da ke cewa satar fitar na yi kun sani." "Okay." Ta faɗa tana nufar bedroom ɗin ta, ba jimawa sannan ta fito sanye da ƙaramin gyale da key din motarta a hannun ta. A tare suka fita Sady ta rufe ƙofar falon da key sannan suka nufi harabar gidan. Sai da ta fara wangale gate ɗin gidan sannan ta shiga motar Sidra ma ta shiga ta ruwa miyar key ta fita daga gidan. Bayan ta fitar da motar waje ne ta fito ta rufe gate ɗin da key sannan ta ta koma cikin motar ta ja suka bar unguwar. "Wai ina maigadin gidanki ne?" "Na sallame shi saboda yana sa mun idanu a cikin Lamira?" Daga haka suka j yi nisa a tafiya ba wanda ya yi magana . _Makaho_ Da sallama a bakinsa ya shigo cikin gidan. Hannusa daya riƙe da sandarsa ta jagora, dayan hannun muka yana rike da kayan gidan takalmi. "Ma'eesha dake cikin daki ta ji dawowarsa ta fito amsa, da sauri ta karasa in da yake ta karbi kayan gyaran takami dake hannusa tana yi ma sa sannu da zuwa. Ya amsa ma ta yana bin bayanta zuwa cikin ɗaki. Da sallama ta shiga ta amsa sannan ta rike sabadrasa tana nuna ma sa tabarmar da zai zauna. "Ba sau kin wahalar da kanki wajen nuna ma ni wajen zama ba. Na riga na san komai da yake cikij dakin nan Zama ya yi t kawo ma sa ruwa. Pure watar bayan ta fasa leda ta zuba kofi Karba ya yi ya karba tare da yin bisimillah ya sha. Farantin da ta jera masa kulollin da ta zuba ma sa abinci ta kawo ma sa ta ajiye a gabansa. "Ga abinci ." "Na gode Allah ya yi ma ki albarka." "Amin ya Allah." Tana kallon da tana tuna zancen ƙawarta Yasmeen. Duk da ta san cewa Nasreen ba makaryaciya ba ce. Komai ta faɗa akan gaskiyar ta ne, to sai dai kuma wanan karon ba za ta ce Nasreen karya take yi ba illah iyaka ta ce ta dai yi ma dai yi ma sa kuskuren fahimta ne. Don ko a photon da ta gani ta san wancan na jikin photon wayayye ne ɗan boko, shi kuma wanan mijin nata ɗan gargajiya ne ko turanci bai iya ba. Sannan shi wancan da Nasreen ta nuna ma sa video yadda yake tafiya cike da izza da isa yayin da mijinta kuma tafiyarsa ma irin ba wadanda suka taso ƙauye yake yi, takunsa ba ɗaya ba ne da wancan. Duk da cewar dai Dukansu suna da ƙira irin ta jaruman maza. Ta cikin bakin glass dake idanun sa yake kallon ta, sannan ya cire glass ɗin ya juyar da kwayar idanunsa tamkar waɗan da basa gani da idanunz wato makafin da za ku ga idanunsu a bude amma bai da amfani. "Ma'eesha kina kusa kuwa?" Sai a lokacin ta dawo daga tunanin da ta faɗa tana cewa. "Ina kusa da kai, me kake bukata ne?" "Na ji kin yi shiru ne kamar ba kya wajen, lafiya kuwa ?" "Eh lafiya lau Alhamdulillah." "Kamar akwai abun da ke damun ki Ko?" "Eh to gaskiya ɗazu ƙawata Nasreen ta zo ta ce na raka ta wani waje. Na kira wayarka don neman izinin ka amma ba shiga , shi ne na raka ta ba tare da izinin ka ba. Ka yi hakuri ba yi farko da karshe kenan in sha Allah ba zan sake fita ba izinin ka ba ka ka yafe ma ni." "Ba komai kada ki damu." "Dama ka ce idan cikin unguwa zan siye abu ko kuma dai a ce gidan Mallam Liman zan iya zuwa ka lamunce ma ni ko?" Jinjina kai ya yi alamar eh haka ne. Abinci ta zuba ma sa ya fara ci, farar shinkafa ce da miyar stew da naman Sa wanda ta siyo a bakin layin su. "Allah ya sakawa bayin Allahn nan da alkhairi." Ta yi maganar tana tuna yadda suke abincin su ya kare ranar gari ta sha. Amma sai ga shi Allah ya aiko waɗan da suka kawo ma su tallafin dubu ɗari biyar ga shi yanzu suna cin abi mai kyau. "Wasu mutane kike magana akai?" "Waɗan da suka kawo ma sa kayan abinci nake nufi.." "Ayyah, ga shi yanzu shi muke ci. Allah ya saka da alkhairi." "Amin ya Allah." Daga haka ya cigaba da cin abincin yana da tuna Nasreen yana murmushi wanda shi kadai ya san Ma'anarsa. _Nadra_ Bayan sun bar gidan Abba suna kan hanyar su ta komawa gida ta kalli Fahad dake driving. "Yaya Fahad." "Wai ba na faɗa ma ki cewa ki daina kira na da Yaya ba ne? Ta ina na zama Yaya a wajen ki ? Ba na son kalar dangi." Murmushi ta yi kafin ta ce. "To ya kake so na kira ka?" "Ke ba ki san sunan da ya dace ki kira ni da shi ba ne?" "Gaskiya ban sani ba." "To ki bincika ki nemi suna mai dadi da za ki sakawa mijinki ." "To." Shiru ne ya biyo baya kafin ta sake kallon sa ta ce. "Ka san wani abu?" "A'a sai kin faɗa ina jin ki." "Ban samu yin magana da Aunty Sidra ba ko da na je tana barci, kuma ba na son na tayar da ita ka san ba ta da isasshen lafiya." Shiru ya yi bai tanka ma ta ba, ta juya da niyyar sake yi ma sa maganar Sidran sai ta ga ya murtuƙe fuska tare da yi ma ta wani kallon da ya sa gabanta faduwa , don haka ya ja bakinta ta yi shiru don ba fuskar da za ta sake yi ma sa wani magana. Har suka karasa gidan ba wanda ya yi wa wani magana. Ganin yadda ya sauya fuska ita ma ta yi fushi ta yi banza da shi ita ma. Yana gama parking ta fito daga motar ta wuce bakin ƙofar shiga falon. Dai sai dole ta sakavta tsaya sakamakon ƙofar a rufe kuma key ba hannusa. Shi ma yana lura da yanayin ta amma sai ya share ta, ya ɗan me take yi wa fushi saboda bai ba ta damar magana akan Sidra ba. Bayan tun ba yau ba yake faɗa ma ta idan suna tare ta daina kawo ma sa hirar Sidra baya so, sunan ta na baya son ji amma Nadra ya lura ba ta jin magana sai ta yi masa zancen Sidra dole. Bude ƙofar ya yi ta shiga da sauri, da ido ya bi ta kafin ya shiga sanan ya rufe kofar. Kashe komai na falon ƙasa ya yi sannan ya haura upstairs. Ɗakinsa ya nufa ya shiga, dama ita ma Nadra ɗakinta ta nufa ta shiga ta bude drawer ta ajiye magungunan mata da Ammi ta ba ta. Sawa ƙofar key ta yi tana tura baki ita a dole ya ɓata ma ta rai take fushi da shi. Cizon yatsa ta yi sai ta ji wani zaƙi kamar zuma a yatsar. Sai ta tuna da maganin matan Nam maybe akwai wanda yake zuba. Don haka ta fito da su ta ga wani robar zuma ne yake ɗan zuba wanda daga wurin murfi ne. Sai ta mayar da sauran shi kuma zumar ta zauna tana sha saboda dama akwai ta da son zaƙi. Sai da ta sha rabi sannan ta ajiye sauran. Wanka ta yi ta shirya cikin riga da wando na barci ta haura saman gadon kenan sai ta ji ƙarar an tura ƙofar an shigo . Da mamaki take kallon sa bayan ta rufe ƙofar da key sanan ya ajiye key a saman Side drawer. Wato tana da wani key din dakin kenan a wajan sa. Kwanciyar ta yi ta juya ma sa baya . Murmushi kawai ya yi ya kashe hasken ɗakin ya haura saman gadon tare da janyo ta jikinsa. _Ma'eesha_ Bayan ta gama duk ayyukan da ta na dare ta shiga wanka lokacin karfe tara na dare ne, ga hadari ya haɗu a garin sai iska ake yi. Ga banɗakin babu rufin sama wato ko rana ruwa da rana ake yi zai sauka kan mutum. Don katanga ce kawai aka yi. Tana tsaka da wanka sai ruwa sama ya faɗo da ƙarfi. Ga ruwan saman da sanyi sosai haka yake zubowa kanta. Ga shi ba ta gama wankan ba . Kuma ita ba ta son ruwan sama ya dake ta. Haka ta watsa ruwan ta fito waje da sauri, sauran ruwan fita watsa a ƙafarta bayan ta fito . Kafin ta kai ga shiga ɗakin ma haka ruwan ke fuskanta har ta shiga da sauri tana rawar sanyi. Yana tsaye a tsakiyar ɗakin wanda dawowarsa kenan shi ma ya cire riga daga shi sai dogon wando, ya kalle ta yadda ta fado ɗakin tana rawar sanyi. Tausayinta yake ji har cikin ransa yana addu'ar Allah ya kawo ranar da komai zai yi daidai sai ya ɗaga darajar ta a cikin mata ya mayar da ita tamkar zara a cikin taurari. Sai ya jiyar da cewa tafi kowace mace sava a duniya. Amma da sauran lokaci akwai babban kalubale a gabansa. Shin ma ta ya zai fuskanci iyayensa da zancen cewa ya yi aure ba tare da sanin su ba? Ya zai fuskanci zai fuskanci uwar da ta rene shi cike da so da ƙauna da kulawa wanda babu algusu da wanan maganar? Sanan ta yi ma sa kyautar ƴarta to ta ya ya zai iya sanar da ita cewa ya auri wata mace bayan ga ƴarta can na zaman jiransa. Jin sautin kat kar kat ne ya sa ya kalli Ma'eesha fa haƙurinta ke karkarwar sanyi jikinta ba rawa. Ga towel da ta yi wa ka da shi ya jikin shi ma . Kasancewar ta san ita kadai ce a ɗakin shi mijinta makaho ne baya gani ko da ma yana gani ba ta san ya dawo gidan ba ya sa ba tare da tunanin komai ba ta zame towel din jikinta ya faɗi ƙasa Gabaɗaya jikinta dai kaɗuwar sanyi yake yi, fito da idanunsa waje ya yi ganin ta tsaye jikinta na rawa babu komai a jikinta. "Ya Salam!" Ta faɗa kamar mai koyon magan a can ƙasar maƙoshinsa.Wutar nepa ce ta ɗauke a daidai wannan lokacin. Lalube ta fara yi inda za ta ga wayarta ta kunna torchlight. Ji ta yi ta faɗa jikin mutum wanda da alama shi ma ba riga a jikinsa, buɗe baki ta yi da niyyar yin ihu yaji saukar tattausan lips a fatar bakinta. Gabanta ne ya faɗi jin bakinta a cikin bakin wani mutum da ba ta san ko waye ba, a tunanin ta wani ne ya shigo ɗakin, don tun da take da mijinta bai taba rike ko da hannunta ballantana ya haɗa bakinsa da nata. *Maman Ihsan ce*✍️ 09065327995 *MAKAHO NE* *NA* Maman Ihsan ce✍️ *https://www.facebook.com/61556643936657/posts/122103978398221464/?substory_index=1596987511055341&mibextid=rS40aB7S9Ucbxw6v 💪 𝙅𝘼𝙅𝙄𝙍𝙏𝘼𝙏𝙏𝙐 𝙒𝙍𝙄𝙏𝙀𝙍'𝙎 𝘼𝙎𝙎𝙊𝘾𝙄𝘼𝙏𝙄𝙊𝙉💪✍️ (𝙅.𝙒.𝘼) _Rubutu baiwa ce daga Allah, jajirtattu ne kawai kan iya amfani da wannan ƙasaitacciyar baiwa su sauya tunanin al'umma cikin sauƙi_.k✏️ *GARGAƊI* Wannan littafin mallakar marubuciyarsa ce, ban yarda a sarrafa ma ni shi ta kowace hanya ba tare de izinina ba. Kuma ban yarda a karanta shi s YouTube ba tare da izinin ba, don haka a kiyaye! *SANARWA* Wannan ƙirƙireren labari ne, ban yi shi don cin zarafi ga kowa ba, idan suna ko hali ya zo ɗaya to arashi ne, mai kashe auren wawa Page7️⃣7️⃣ Gabanta ne ya faɗi jin bakinta a cikin bakin wani mutum da ba ta san ko waye ba, a tunanin ta wani ne ya shigo ɗakin, don tun da take da mijinta