MAKAHO NE

ta yi tana yi wa Fahad murmushi ta ce. ."Allah ya yi ma ka albarka." Da Amin ya amsa yana miƙewa tsaye ya ce . "Ni xan tafi anjima zan dawo na dauke ta mu koma gidan." Addu'ar Allah ya dawo da shi lafiya suka yi ma sa ya fice. _Makaho_ Kasancewar baya son abokan kasuwancin sa da suke sana'a tare su zarge shi ya sa wannan karon bai bar kayan aikinsa a wajen ba, kada su fara zargin ina yake zuwa . Don haka ya dauki kayan aikinsa ya yi ma su sallama da niyyar da wuce gida ne. Mai Yalo ya kalle shi ya ce . "Lafiya za ka tafi da wuri haka?" ",Eh to ba na jin dadi kaina ne yake ma ni ciwo zan je na keanta." "Subhanallah, Allah ya ba ka lafiya Mallam Khalifa." "Amin ya Allah." Mai suyan awara ta kalle shi ta ce "Sorry kyakkyawa Allah ya sauwake." Da yake ya san haka take kiransa ya amsa da Amin ya fara tafiya da sandarsa da kuma kayan aikinsa. Sai da ya yi tafiya mai ɗan nisa sannan ya tsaya cak, mai nape da ke bisa ya tsaya a gabansa, Nan da nan ya shiga suka kama hanyar hotel ɗin yake zuwa . Bayan sun isa hotel ɗin ne ya bar kayan aikinsa na gyaran takalmi da sandarsa ya shiga cikin hotel ɗin. Key din dakinsa ya karɓa sannan haura sama. Ɗakin ya bude sannan ya saka key ya rufe ta ciki. A.C ya kunna sannan ya nufi bathroom ya sakarwa kansa shower, 🚿 wanka ya yi sannan ya fito ɗaure da towel a ƙugunsa da wani karamin towel yana tsane ruwan kansa. Man shafawarsa ya shafa ya saka ƙananan kaya sannan ya karasa ya zauna kan kujera in da kayan aikinsa yake kan table, kama daga laptop ɗinsa da wayoyinsa suke . Wayarsa ya ɗauka ya lalubo lambar Ummee ya danna ma ta kira, don ya san halinta yanzu haka yana can ta tayar da hankalinta. *Abuja* Ummee na zaune a falo tana kwantar wa da Yasmeen da hankali, kan damuwa da ta yi na rashin ji daga Jalaluddeen. "Ummee tsawon kawanki kenan ban ji daga gare shi ba, yanzu idan muka yi aure haka zai dinga yi ma ni ya share ni ba kiran waya idan yana aiki? A gaskiya ni kan idan aka ɗaura ma na aure sai sai dai duk inda zai je ya yadu tare da ni." Kafin Ummee ta yi magana kiran Jalaluddeen ya shigo cikin wayar. Da sauri ga daga daga tana cewa. "Son lafiya tsawon kwanaki ba kira ina kiran wayrka ba ta shiga kuma ka kasa kira na ko? Ba ka tunanin halin da zan shiga ko don ba isasshen lafiya gare mi ba ko?" "Tuba nake Ummeena, yanayin aiki ne wallahi , kin san sau da taka tsantsan." "Duk da haka hankali na zai fi kwanciya idan ina jin motsinka. Na tabbatar kana lafiya." "Idan kin ji shiru lafiya kenan." Kamar ta yi ma sa Maganar yarinyar da aka ce yana tare da ita sai kuma ta fasa, ta bari sai ya dawo kafin ta ji daga gare shi. "Ummee kowa na lafiya ?" "Eh lafiya lau dai dai Yasmeen ce dai ga ta nan." Ta yi maganar tana mika wa Yasmeen wayar. "Subhanallah me ya same ta?" Tashi Yasmeen ta yi saboda kunyar Ummee ba za ta sake ta yi magana yadda take so ba." Sai da ta shiga bedroom ɗin ta ta zube a kan gado sannan ta shagwaɓe murya ta ce . "Hello" "Yasmeen ya kike ?' "Ba na lafiya fa Yaya Jalal." "Subhanallah me ya same ki?" "Rashin ganinka da ciwon son ka ne za su illata ni." "Subhanallah, ba na ce ki daina saka damuwa a ranki b" "Yaya Jalal damuwa dole ne, a satin da za'ayi bikin mu ka tafi wanda dalilin haka aka ɗaga bikin dai ka dawo, da yanzu nuna matsayin ma'urata ko?" "Haka ne, kin san komai na Allah ne kuma komai da lokacin sa, Allah ne bai yi ba a wancan lokaci." "Haka ne, amma na damu da rashin ka sosai, amma na san kai ba ka damu da rashina ba da ka dinga nema na a waya." "Ba haka ba ne, kina raina Yasmeen amma yanayin aiki ne ya sa ba ki samu na." Fira suka yi a ƙalla mintinan ashirin sannan ya ma ta sallama. Kafin ya katse kiran wayar ta ce. "Yaushe za ka dawo?" "Sai zuwa gaba." "I can't wait wallahi, sai dai na biyo ka in da kake." "Ko kin zo garin ina mai tabbatar ma ki wahala za ki yi ba za su ki ganni ba." "To Allah ya dawo mun da mai lafiya my Yaya Jalal" "Amin ya Allah " Cikin sanyin murya ta ce . "I love you." "Love you too." Murmushi ta yi wanda sai da ya ji sautin murmushinta sannan ya kashe kiran wayar. *Maman Ihsan ce*✍️ 09065327995 *MAKAHO NE* *NA* Maman Ihsan ce ✍️ *https://www.facebook.com/61556643936657/posts/122103978398221464/?substory_index=1596987511055341&mibextid=rS40aB7S9Ucbxw6v 💪 *JAJIRTATTU WRITER'S ASSOCIATION*💪 ✍️ *(J.W.A)* _Rubutu baiwa ce daga Allah, jajirtattu ne kawai kan iya amfani da wannan ƙasaitacciyar baiwa su sauya tunanin al'umma cikin sauƙi_.✏️ Page 6️⃣0️⃣ Murmushi ta yi wanda sai da ya ji sautin murmushinta sannan ya kashe kiran wayar. Zuciyarta fara tas ta ji muryarsa kuma ya mayarsa hankalinta ya kwanta. Ta fito fakon tana murmushi daidai lokacin da Yusuf ya dawo. Kallonta ya tsaya yana yi sakamakon ganin kwana biyu tana fama da ƙunci da baƙin rai, yau sai ya ga tana ta fara'a don haka ya ce. "Ummee wannan kuma fa farin ciki na mene ne?" Ya yi maganar yana zama kan kujerar da ke fuskantar Ummee yana jiran jin ta bakinta. Murmushi Ummee ta yi yayin da take karbar wayar da Yasmeen ke miƙa ma ta. "Bari kawai wai daga Yayanku ya kira waya shi ne duk na wannan farin cikin." "Okay Yaya Jalal ya kira waya yau kenan ?" "Eh yanzu muka gama magana da shi." Taɓe baki ya yi ya kalli Yasmeen ya ce . "Wallahi kina da aiki in dai Yaya Jalal ne kike ma irin wannan son " Kamar za ta yi kuka ta ce . "Haba Yaya Yusuf me ya sa za ka ce haka?" "Na ga son naki da kike ma sa ya fi wanda yake ma ki ne, infact ma Yaya Jalal baya da lokacin ki sai na aikinsa kuma..." Kafin ta karasa maganar da zai yi ne sai Ummee ta dakatar da shi "Ka ga Yusuf ka kiyaye ni kana ji na ko? Akan me za ka ce ba ya son ta? Ko an tilasta ma sa auren ta ne? Ina da kansa ya amince da zai aure ta ba wanda ya ma sa dole, ka fita a idanuna na." "Ummee ai ba cewa na yi baya son ta ba, na ce son ta ya fi na sa yawa." "To sai me ya yi ta fi ma na kai ina mai son naka take?" Dariya ya yi yana nufar bedroom ɗin sa. Daga nan ya lalubo lambar wayar Dr mahaifiyarsa ya kira. Sai dai wayar a kashe take kiran bai shiga ba, don lokacin tana ɗakin tiyata ne za ta cire wa wata mata baby a cikinta. Matar babyn ya mutu a cikinta har ya fara ruɓewa, shi ne Mom take yi ma ta tiyata ta cire gawar babyn. Ganin kiran bai shiga ba ya tura ma ta text messages. 'AMINCIN ALLAH YA TABBATA A GARE KI MOM. NA KIRA WAYAR A KASHE NA SAN KINA HOSPITAL NE YANZU . FATAN KUNA LAFIYA.' Bayan ya gama turawa ne ya kira Lambar Mahaifinsa Alhaji Kabir Arzika. Sai dai shi na wayar a kashe. Tunanin kiran wayar Sadik ƙaninsa ya yi , sai dai shi kuma wayar na ringing ba'a ɗaga ba. Don shi ma Doctor Sadik yana duba marasa lafiya ne wayarsa kuma tana silen ya bar ta a office.. Lambar wayar Abbee ya kira suka gaisa kafin ya tamabaye shi aiki, ya amsa da Alhamdulillah. Daga nan suka ɗan taɓa fira, don shi ma Abbee ba karamin kewarsa ya ji ba. Don shi ma Jalaluddeen yana ƙaunar Abbee wanda sai daga baya ya gane ba shi ne mahaifinsa ba. Don Abbee ya nuna wa Jalaluddeen ƙauna kamar yadda Ummee ta nuna ma sa. Bayan sun ɗan taɓa fira ne ya yi ma sa sallama ya ajiye wayar bayan ya kashe. _Fahad_ Sai karfe biyar na yamma da Fahad ya kammala abun da yake yi zai je ya ɗauki Nadra. A kofar gidan ya yi horn maigadi ya wangale ma sa gate ya shiga Shi sam ya mance da siyayyan kayan abincin da ya yi wa su Abba. Sai da ya yi parking ya da ma'aikatan gidan suka dinga ɗibar kayan abincin suna kai wa ciki. Abba saboda zuwan Nadra ya fasa fita ko ina, ya zauna ya ba ta lokacin da suna ta fita . Sun nuna jin dadin tsarabar da ta siya ma su suna ya godiya ga sanya ma ta albarka . Suna nan zaune a falon suka ga an fara shigo da kayan abinci. Mamaki ya kama su suna shirin yin tambaya dai diraban su Umma ya ce . "Mijin Nadra ya ce mu shigo da su ciki." Store aka ce su shiga da su ciki su ajiye . Mamaki da al'ajbabi ne ya kama su ganin yawan kayan abincin da ya siya ma su. Sai da suka gama shiga da su ya ba su kyautar kudi suna ta godiya . Da sallama ya shiga ciki. Bayan sun amsa na sa ya karasa ya gaida su. "Abba ya yi ma sa fadar kayan sun yi yawa ai. Ya ce ba su yi yawa ba ai yi wa kai ne. Godiya da sanya albarka suka dinga yi ma sa. Umma ta cewa Nadra ta dauki handbag ɗin ta da hijab su tafi. Marairaice fuska ta yi amma ganin yadda Umma ta murtuke ma ta fuska ya sa ta tashi ta dauki handbag ɗin da hijabi ta saka takalmi suka tafi. Tun daga ranar suka fara rayuwa mai daɗi, cike da nuna wa juna kulawa rayuwa. A ɗaki ɗaya s gado ɗaya suke kwana. Sai dai har lokacin Fahad bai sake yunkurin cewa zai yi sex da ita ba. Kamar yadda ya yi ma ta alkawarin cewa ba zai taɓa yi mu'amalar aure da ita ba sai ranar da ta yarda . Sai dai idan sha'awar ta ta motsa ma sa ya ɗan yi wasanni da ita ya rage zafi. Da zaran ta ga yana neman wuce makaɗi da rawa za ta saka ma sa kuka. Haka zai hakura ya ƙyale ta. Yau ma bayan ta kammala aikinta da yamma tana zaune a falo ya dawo gidan. Horn ɗin mota ta ji maigadi ya wangale ma sa gate ya shigo . Parking ya yi sannan ya fito ya shiga ciki. Tana zaune a falo ya dawo, yana ganinta ya tsaya daga bakin ƙofa ya ware ma ta hannu alamar ta zo gare shi. Ba musu ta tashi tana tafiya har ta karasa gabansa ta shige cikin ƙirjinsa ya rungume ta. Sumbatar ta a goshi ya yi daidai lokacin da wayarsa ta soma ringing. Ganin bakuwar lamba bai ɗauka ba, ya ja hannunta suka fara tafiya . "Sannu da dawowa." Sannu ki ya masa yana zama akan kujera ya zaunar da ita saman cinyarsa. Kiran aka aka sake yi ta kalle shi ta ce . "Ka ɗaga ma na ba ka san dalilin kiran ba." Bai ce ma ta komai ba ya haɗe bakinsu waje ɗaya ya fara aika ma ta da wani zazzafan kiss. Ba ta hana shi ba sai na mayar ma sa da martani da ta fara yi . Zare bakinsa ya yi daga nata ya kalle ta da idanunsa da suka fara canza launi zuwa ja ya ce. "Nadra na gaji da wannan azabtar da ni da kike yi . Idan horo kike yi ma ni akan laifin da na aikata ma ki na horu haka nan ki tausaya ma ni ki ba ni hakkina. Na yi ƙoƙari ai a ce tun daren farkon da muka yi da ke a gidan Baba har yanzu? Kullun idan kika ga ina shirin biyan buƙata ta sai ki saka ma ni kuka? Haka zan haƙura na ƙyale ki. Ba ki tausaya wa halin da nake shiga? Don Allah ki amince ki bari mu raya sunna a wanann daren ki daina tsoro ba zan cutar da ke ba. Ita kanta ta san ya yi hakuri don haka ta ɗaga ma sa kai alamar ta amince. Cike da farin ciki ya kara ƙanƙame ta daidai lokacin da kiran wayar ta sake shigiwa wayarsa . Picking call din ya yi sannan ya saka a hands free. "Assalamu alaikum." Suka ji sallamar wani daga cikin wayar. "Wa'alaika salam." Ya amsa yana jiran ne na cikin wayar zai ce . "Kai ne Fahad Umar Majidaɗi?" "Eh ni ne." "To ga wata mara lafiya cikin mawuyacin hali take an kawo ta nan asibiti." "Wani asibiti?" "Wace ce?" "Sunan ta Sidra a wayar ta muka samu lambar ka saboda lambar take yawan kira duk da ba mu ga alamar kana amsa kiran nata ba " Nadra na ji an ce Sidra zumbur ta mike daga cinyarsa tana hawaye. Kallonta ya yi sannan ya ce. "Ga ni nan zuwa." Tana ganin ya mike tsaye ta ce . "Ɗin Allah zan bi ka mu tafi tare." Ta yi maganar tana kuka, sanin ba za ta zauna ba ne ya sa ya ce ta dauki hijabi su tafi . Tana hawaye ta saka hijabi ta bi bayansa suka fice daga cikin falon. Direbansa ya sa ya kai su yayin da su kuma suka zauna bayan motar yana rarrashinta. Bayan sun isa ne ya kira lambar da aka kira shi, aka sanar da su cewa tana Aminity word. Kai tsaye suka shiga suka gan ta kwance kamar gawa. Nadra ta Fashe da kuka tana tsige bakinta. Doctor ya kalli Nadra ya ce. "Wace ce ita?" "Ƙanwarta ce ita." "Okay ku same ni a office ɗina." Bin bayansa suka yi zuwa cikin officer din. Zama suka yi suna jiran jin me zai ce . "Ina iyayen ta suke ?" "Ba sa nan za ka iya sanar da mu kai tsaye." Farin glass din dake idanunsa ya cire ya kalle su daya bayan daya sannan ya ce. "Ina mai sanar da ku cewa ƴar uwarku Sidra ta kamu da cutar Heart fuilure, da Hausa ana kiran cutar da gazawar zuciya. Saboda zuciya ta daina aiki yadda ya kamata. Gazawar zuciya cuta ce dake faruwa idan zuciya ba ta iya tura jini yadda ya kamata zuwa ga sauran jiki. A yanzu haka cutar ta kai mataki mai tsanani (Advanced stage) zuciyar Sidra ta riga da ta yi nauyi sosai, idan ba ta samu kulawa ko magani ba to rayuwarta za ta iya ƙarewa a cikin watanni. Za ta iya mutuwa a cikin watanni, amma idan ta samu kulawa za ta iya rayuwa fiye da haka sosai. Musamman idan ta samu canjin ruyuwa, magungunan na musamman da kulawar likitoci. Idan har kuna son rayuwar ta ya yi tsayi sosai sai da taimakon ku, yawan saka ta farin ciki to zuciyarta za ta dinga samun sauƙi. Sannan ku dinga ƙara ma ta ƙarfin guiwa. Cin magani abinci mai kyau da kula da ita sosai . Saka ta farin ciki zai taimaka wa jikinta ya yi aiki daidai. Taimakawa ƙwaƙwalwa da zuciya. A guji ɓacin ranta ko shiga damuwa mai tsanani ballantana ta shiga halin bakin ciki ." Kukan da Nadra ke rike wa tun ɗazu ne ya ƙwace ma ta. Ta tausayawa Auntyn nata sosai . Ganin haka ya sa Likita ya dinga kwantar ma ta da hankali ta hanyar nuna ma ta cewa wannan fa hasashe ne. Tashi ta yi a guje ta fita ta nufi ɗakin da aka kwantar da Sidra. Shi kansa Fahad ya shiga tashin hankali sosai, amma ya aro jarumtaka ya yafa ya sa ba'a gane tashin hankali da yake ciki ba. Tashi ya yi ya bi bayan Nadra zuwa dakin da 'Sidra take. _Mom_ Bayan ta fito daga ɗakin tiyata ne ta shiga ɗakunan wasu marasa lafiya ta duba su. A gajiye ga koma office ɗin ta. Fridge ta buɗe ta dauki ruwan riba mai sanyi ta sha. Wayoyinta dake kashe ta ɗauka ta kunna su. Ganin saƙo ya shigo daga babban ɗanta Jalaluddeen. Jiki na rawa ta shiga bude messages ɗin. Bayan ta gama karantawa ne ta yi murmushi tare da furta "Allah ya kare ka ya ba ka nasara a rayuwa." Soyayyar Jalaluddeen na daban ne a zucuyar Dr, domin ta fi jin sa a zuciyarta fiye da sauran yaranta. Duk da cewar tun yana ɗan shekara ɗaya ta rabu da shi amma har yanzu tana jin sa a ranta ko don ba hannunta ya tashi ba ne oho. Ko ƙasar idan ta zo tana addu'a Allah ya sa ta zo gaishe su kafin ya koma. Bayan ta gama duba message ɗin ne ta danna ma sa kira. Bugu biyu ya ɗauka ta ji sallamarsa cikin muryarsa mai amo. "Assalamu alaikum." "Wa'alaika salam." "Mom ina wuni." "Lafiya lau Jalaluddeen ya kake ya aikin?" "Alhamdulillah Mom, na kira bai shiga ba da alama kina asibiti ko?" "Eh da zan yi operation ne na kashe wayoyin." "Okay Allah ya sa an yi a sa'a." "Amin ya rabbil izzati." "Ka yi magana da Umminka kuwa?" "Eh mun ji waya yau." "Okay amma ka dinga kokarin kiranta kullum ka san halinta in dai a kanka ne, dan dole take bari ka yi nisa da su, idan baka kiran wayarta ita ma ba ta samunka takan shiga danuwa sosai . "To Mom." "Ka yi waya da Yasmeen?" "Eh ita ma mun yi waya da ita." "Ba dai wata matsala ko?" "Ba komai. Na yi kewar gida." "To za ka bar aikin ka zo ka gan mu ne ki yaya?" "Eh zan zo na yi kwana biyu sai na dawo." "To Allah ya kawo ka lafiya ya kare ka ya ba ka nasara akan abun da ka sa a gaba." Cikin jin dadi yake amsawa . Sallama suka yi ya katse kiran wayar. Daidai lokacin kiran wayar Ma'eesha ke shogowa cikin karamin wayarsa. *Maman Ihsan ce*✍️ 09065327995 *MAKAHO NE* *NA* Maman Ihsan ce✍️ *https://www.facebook.com/61556643936657/posts/122103978398221464/?substory_index=1596987511055341&mibextid=rS40aB7S9Ucbxw6v 💪 𝙅𝘼𝙅𝙄𝙍𝙏𝘼𝙏𝙏𝙐 𝙒𝙍𝙄𝙏𝙀𝙍'𝙎 𝘼𝙎𝙎𝙊𝘾𝙄𝘼𝙏𝙄𝙊𝙉💪✍️ (𝙅.𝙒.𝘼) _Rubutu baiwa ce daga Allah, jajirtattu ne kawai kan iya amfani da wannan ƙasaitacciyar baiwa su sauya tunanin al'umma cikin sauƙi_.✏️ Page6️⃣1️⃣ Daidai lokacin kiran Ma'eesha ya shigo cikin karamin wayarsa. Sai da kiran ya katse sannan ya sake bi bayan kira. Kiran na shiga wayar ta ta ɗaga tare da yin sallama. "Assalamu alaikum." "Wa'alaiki salam." "Ina wuni ya aikinn?" "Lafiya lau Alhamdulillah." "Ma sha Allah." "Ina fatan kina lafiya, kuma ba wata matsala ko?" "Gaskiya ba zan samu kwanciyar ba sai na ga dawowar ka gida?" Murmushi mai sauti ya yi kafin ya ce. "Ki kwantar da hankali in sha Allah ba wata matsala da za ta biyo baya. Gobe ma in sha Allah zan yi tafiya ta kwana biyu?" Cikin tashin hankali ta ce. "A'a, a'a, a'a don Allah, ina za ka je wa kake da shi?" "Yanzu ne nake jin labarin an samu wasu da suka dawo a ƙauyen mu,.ina son na je na duba ko akwai dangina a cikinsusu." Shiru ta yi kafin ta ce. "Amma ai bai kamata ka tafi kai kadai ba cikin halin da kake ciki, bugu da ƙari kuma ai ba ka da kuɗin mota." "Eh haka ne ba na da kuɗin mota, amma akwai motar ɗaukar kaya da za ta tafi Adamawa . Zan bi motar na zauna ko a samun buhuhunan kayan dake bayan motar ne?" "Shiru ta yi kafin ta yi wani tunani ta ce." "Ma su motar za su bari ka bi su ne?" "Eh suna bari ai, har mun yi magana da direba motar." "Gaskiya bai kamata ka tafi kai kaɗai ba sai dai mu tafi tare." "Bari na dawo sai mu yi magana." "Okay sai ka dawo." Daga haka nan ya katse kiran wayar yana tunanin hanyar da zai ɓullowa Ma'eesha. Tashi ya yi yana kokarin barin wajen hotel ɗin don zuwa shawo kan Ma'eesha. _Nadra_ Tana zaune saman kujerar gaban gadon da Sidra take kwance. Tana rike da hannun Sidra ta zuba ma ta idanun ta da suka rikiɗe zuwa ja sakamakon kukan da ta sha. Sidra tana barci ba ta ma san me ke faruwa ba, yayin da Fahad yake tsaye jingine da bango ya rungume hannayensa a ƙirji ya zuba ma su idanu. Turo ƙofar aka yi da sallama. Gabdaya suka amsa Nadra na ƙokarin goge hawayen da ke idanunta. Baba, Mama, Inna, sai kuma Rumaisa su ne suka shigo cikin ɗakin. Fahad ya yaushe su suka masa suna yi ma sa ya mai jiki. Sai kuma Nadra ta gaishe su suka amsa suna tambayar ta ya mai jiki. Tambayar ba'asi suka yi Fahad ya yi ma su bayanin da Doctor ya yi ma su. Tabbas hankalin su ya tashi matuƙa kuma sun tausaya wa Sidra. Baba ya kira Abban su Sidra yake sanar da shi halin da Sidra take ciki . Buɗar bakinsa ya ce Allah ya ba ta lafiya. Daga haka ya yi ma sa sallama ya kashe wayarsa. Baba yana matukar mamaki irin zafi da kafiya da Abba yake da shi. Kwanan Sidra uku a asibiti Nadra da Fahad ke tare da ita. Sai dai kullum sai su Mama sun zo gaishe su, kuma su suke aiko da abincin safe da rana da kuma dare. Ranar da za'ayi discharging nasu daga asibiti kowa na nan. Baba, Mama, Inna. Bayan likita ya ba su shawarwarin yadda za'a kula da ita da kuma da kiyaye ɓacin ranta ya kuma rubuta ma su magunguna. Sidra ta kalle su ɗaya bayan ɗaya, ta san gidan Baba za ta koma wanda ba za ta so hakan ba, don haka ta kalli kowa sannan ta fara magana cikin sanyin murya. "Ina ji a jikina kamar ba zan daɗe a duniya ba, iyayena sun juya ma ni baya. Don haka ina son na rayu tare da ƴar uwata Nadra. Ina son na ganni a kusa da ita don idan na mutu ina tare da ita buƙatata ta biya, ta wani ɓangaren zan ji kamar ina tare da ajalinsa ne " Shiru ɗakin ya ɗauka na tsawon mintinan biyu ba wanda ya yi magana, kafin ta sake yin magana ta ce . "Baba, Mama, da kuma Inna, don Allah ku yi hakuri ban raina abun da kuka yi ma ni ba amma ina neman alfarma ku bar ni ta koma gidan Nadra da zama zan yi farin ciki da hakan." Caraf ina ta yi saurin cewa. "Ta ya ya za ki koma gidan ƙanwarki da zama? Nadra fa ƙanwarki ce ba Yayar ki ba, ai abun ba tsari." "Inna ku yi hakuri ku bar ta ta koma gidan nawa, tana son kasancewa da ni, kuma ga halin da take ciki ko kin manta abun da Doctor ya ce ne na a dinga yi ma ta abun da take so?" "Ke dalla maganar Doctor maganar Allah ce?" "Inna tun da ita ma ƙanwar ta goyi bayan hakan ki bar su kawai Allah ya ba ta lafiya." Shi dai Fahad bai ce komai ba ya kau fa kansa gefe. Nadra ta kalle shi ta ce. Yaya Fahad ka amince ta koma gidanka da zama? Zan yi farin ciki ni ma ita ma haka za ta yi farin ciki da hakan, a halin yanzu ba ta da wanda ya fi ni , Please ka amince ma ni." "Duk yadda kike so ki yi ai gidanki ne." Ba ta san lokacin da murmushi ya suɓuce ma ta ba ta shiga yi ma sa godiya. Ita dai Mama ba ta ce komai ba, amma fa dukkan alama ba ta so hakan ba. _Makaho_ Da sallama ya shigo cikin gidan. Ma'eesha dake zaune kan tabarma ta haɗa tagumi tana tunanin tafiyar da ya ce zai yi. "Amin wa'alaika salam." Ta amsa tana mikewa tsaye ta nufi in da yake. "Sannu da zuwa." Ta ce tana amsar kayan aikinsa dake hannunsa. "Yauwa sannu mar'atussaliha." "Ka zauna ga tabarma nan a gabanka." Ita kuma ta nufi ɗaki ta ajiye ma sa kayan shoe maker nasa. Pure watar dake cikin leda ta ɗauko ta kawo ma sa, sannan ta kawo ma sa abuncin da ta dafa. Shinkafa da wake da mai da yaji ta dafa. Ruwan ya fara sha sannan ya fara cin abincin. Tana yi ma sa fifita tana yi ma sa fira cike da shauƙi. Sai da ya ci kusan rabin abincin sannan ya yi hamdala tare da yi ma ta godiya . "Na gode Allah ya yi ma ki albarka ya kawo ranar da zan saka ma ki hidima da sadaukarwar da kika yi akaina." Murmushi ta yi tana cewa. "Amin Mijina. Dama ina son mu tattauna kan zancen tafiyarka ne, yanzu tafiya za ka yi ka bar ni ni kaɗai?" "Ki yi haƙuri Ma'eesha ba daɗewa zan yi ba zan dawo, in sha Allah ba zan wuce kwana biyu ba zan dawo." "To kana da tabbacin cewa su ɗin danginka ne wadan da aka ce sun dawo?" "Eh to ban sani ba sai na je na tabbatar." "Idan ba danginka ba ne fa?" "Sai na dawo mu cigaba da rayuwa a haka." "Idan kuma ya kasance su danginka ne za ka dawo ka ɗauke ni mu koma can ne da zama?" "Ba zancen komawa can da zama, domin garin da babu kwanciyar hankali me ake yi da shi?