JINAH MATAR ALJANI

rabeta ba, bare kuma ya kusanceta. -Jinah! Firgigit tayi ta dawo hayyacinta jin Sarah ta kira sunanta. Tsabar dogon tunanin da ta shiga, bata san lokacin da har Sarah ta shiga daki ta canja kaya ba. -Zan je na sanar da yan uwansa, dan Allah ki daina kukan nan, ba yanda muka iya lokacinsa ne yayi. Sarah tace mata cikin Sanyanyar murya da tausayawa. -Ba zaki gane ba Sarah, nice..lai.. laifina ne. Jinah ta fada tana sarkewa saboda kuka. -Me kike cewa ne? Daina wannan shashancin, tashi kije ki duba ya'yanki, kila ma sun tashi daga bacci, ni na tafi. Kallon Sarah da ta fara nisa take cike da tausayinta, tasan ba abu bane mai sauki kai irin wannan labarin ga dangin Dauda. Ji tayi an dafata, daga kai tayi taga Nafisa ce. -Kiyi hakuri. Cewar Nafisa. Addu'a kawai zamu yi masa, Allah yasa aljanna ce makomarsa. Rungumeta Jinah tayi, bayan wani dan lokaci suka saki juna, Jinah ta nufi daki. Tarar da yan tagwaye tayi, cike da mamaki zaune kan gado. Yanzu har sun saba idan suka tashi basu yin wata hayaniya. Kamar sunji halin da mahaifiyarsu take ciki, zaunawa tayi itama kan gadon, rarrafowa suka yi tareda rungumeta kamar zasu koma cikinta, suka yi kamar ba zasu saketa ba. Da mamaki, Jinah taji damuwarta na raguwa. Haka suka kasance kusan mintuna 30 kafin Abdul da Nafi su kwankwasa kofa a hankali, sai a lokacin tagwayen suka saketa. -Ku shigo! Ta fada. Shigowa suka yi, sedai babu wanda yayi magana. Fita Nafisa tayi da yaran sannan ta maidosu bayan tayi masu wanka tare da sanya masu kaya. Dan uwanta da Jinah suna zaune kan gado kowane yayi shuru, ya zurfafa cikin tunani. Sai zuwan Sarah sannan suka samu damar yin magana. -Kinyi saurin dawowa, Jinah ta fara fada. -Eh na samu dan acaba ne. -Ya suka ji labarin mutuwar? Wayyo Allah nasan mahaifiyarsa zata shiga cikin tashin hankalin jin labarin mutuwar danta mafi soyuwa a gareta. Yana yawan bani labarin irin son da mahaifiyarsa take masa da kuma irin shirmen da yake yi mata, duk da ya girma bai bar kwana a dakinta ba har sai da muka yi aure, ya fada min shine abokin hirarta da kuma na rakiyarta idan zata je wani kauyen, mahaifiyarsa ita ce komai garesa... Jinah ta fada murmushi da kuma ambaliyar hawaye a fuskarta. -Eh, lokacin da taji labarin, halin da ta shiga ya tabani sosai, kasa jure kallonta nayi. Hankalin Jinah kara tashi, ta fashe da kuka tareda tashi da gudu zuwa tsakar gida tana kuka, hanyar dakinta ta nufa da niyyar zuwa ta tashe da Dauda, sai kuma ta tsaya cak sakamakon tunawa da tayi cewa idan mutum ya mutu, ya tafi kenan baya dawowa. Zaunawa tayi kan wani benci ta cigaba da rera kukanta. -Dan Allah Jinah ki dakata da kukan nan, kar ki jawa kanki wani ciwo, kukan da kike ba abinda zai anfanar. Cewar Abdul cikin sigar lallashi. Tashi tayi ta nufi hanyar fita daga gidan, tana bude murfin kofar kuma sai ta tsaya. -Ina zaki je? Abdul ne ke tambayarta. Bata bashi amsa ba ta juya da niyyar fita. -Gata nan! gata nan! ita ce mayya mai cin kurwar maza. Kafin ta fahimci meke faruwa, ta jita sheme a kasa, lafiyayyun mari biyu suka biyo baya, sannan aka rufeta da duka da itace. Cikin tashin hankalin ne ta fahimci wasu daga cikin yan uwan Dauda da kuma Auntynshi cikin masu dukanta. Bata tsaya tantance sauran matan ba, ta boye fuskarta kar suyi mata lahani. Da gudu Abdul, Sarah da kuma Nafisa suka zo domin kawo mata dauki. Sedai matan sunada yawa. Shi Abdul, nasarar kwace itacen hannun matan yayi, su kuwa basu hakura ba suka koma dukanta da hannuwa. -Ku kyalesu, ku kyalesu su kasheni, ni ce, laifina ne, ni na kasheshi. Jinah take ta fada da shakakkiyar muryarta alhali kuwa azaba take ta ci. Jinah bata ga laifin matan ba, ita tana ganin ta cancanci wannan hukuncin, da son samu ne su kasheta, domin ita ce silar mutuwar Dauda. Matan taji sun daina dukanta sakamakon suma da suka ji ana dukansu da itace, har da karin yakushi da cizo, alhali su basa ganin mai aikin. -Wayyoh Allah, mayya ce da gaske! Gashi ta fara cin naman jikinmu alhali kwance take kasa. -Wayyoh dan Allah kiyi mana rai! -Bayan kin kashe yan uwanmu, garemu zaki dawo... Ihu suke suna sambatu tsabar azabar da suke ji, ganin ba sarki sai Allah kowaccensu ta ranci na kare su kuwa su Sarah suka yo kan Jinah tareda taimaka mata zuwa dakinta. Sam matan basu ji tausayinta ba domin ta bugu sosai. Kuka kawai Sarah ke yi tun lokacin da matan suka fara dukan Jinah. -Kamata yayi mu kaita asibiti, tsinannun mata! Idan da ba mata bane, na rantse sai sun gane kurensu. Wannan ai dabbanci ne! Ran Abdul ya baci sosai ganin aika-aikar da matan suka yiwa Jinah. -Gaskiya wannan ba mutane bane, wannan rashin imanin har ina??? Nafisa ta fada, cike da tausayawa Jinah. -Zan je na nemo amalanke domin kaita asibiti. Tagwaye sai kuka suke, farko dai suna kukan halin da mahaifiyarsu ke ciki sannan suna ganin hukuncin da suka yiwa matan bai isa ba. Eh sune wanda suka hukunta matan ta hanyar yakushi da cizo da kuma taimakon mahaifinsu da yayi ta dukan matan da itace. Fally yayi takaicin rashin zuwansa da wuri, gashi duk sun illata masa Jinah. lokacin da yaji mutuwar Dauda, ji yayi kamar yayi ta tikar rawa har sai ya gaji duk da hakan keta ce, soyayyarsa ga Jinah takai matsayin da babu ruwansa da komai zai faru. Sedai Farin cikinsa gushewa yayi lokacin da ya tarar da matan nan sunan dukan abar kaunarsa da kuma irin wahalar da take sha. Hakane, idan muna yiwa mutum so na gaskiya, ba zamu iya kasancewa cikin farin ciki ba alhali shi yana cikin bakin ciki. Kasa jurewa Fally yayi ganin Jinah har ta fara kukan azabar da matan ke gana mata, cikin jeji ya shiga ya karyo wani lafiyayyen reshen wata bishiya, ya dawo yayi ta dukan matan dake dukar masa mata. Lokacin da Abdul ya tafi neman amalanke, Fally ya shigo dakin ba wanda ke ganinsa sai yan tagwaye, da karfin siddabarunsa ya warkar da duk ciwon dake jikin Jinah. -Yauwa ku taimaka ku fiddota ga amalanken nan na samo. Cewar Abdul da ya shigo a hargitse cikin dakin. Sarah, dake zaune a bakin gado, ta dora goshinta jikin gadon, hannunta cikin na Jinah, tana kuka a hankali, ta dago da sauri tare da mikewa. Nafisa dake zaune kan tabarma ta mike itama. Nufo Jinah suka yi da niyyar dagata, turjewa suka yi, suna kallon kallo. Sarah ce tayi karfin halin duduba jikin Jinah, hannu, kafafuwa, gadon bayanta amma babu ko alamar ciwo. Jinah bata ma san ana yi ba, wani nauyayyen bacci take abunta. Hannu Abdul ya kai kan hancin Jinah domin tabbatar ko dai mutuwa ce tayi shi yasa raunukan suka bace, sedai Jinah da ranta cikin koshin lafiya. -Assalamu alaikum! Suka ji ana kwada sallama a waje, fita Sarah tayi ta tarar da wasu maza, ta gane wasu daga ciki yan uwan Dauda ne, sun zo daukan gawar Dauda ne. Sarah ta nuna masu suka dauka suka tafi. -Wannan ba mai yiyuwa ba! Cewar Abdul. -Ko dai mafarki muke? Cewar Nafisa. -Mu fita mu barta tayi bacci. Cewar Sarah. (....) -A ina zamu samu bayanin abinda muka gani? Nafisa ta tambayi dan uwanta lokacin da Sarah ta tafi kasuwa, daga su sai yan tagwaye. -Ni kaina ban sani ba, domin komai ina ganinsa ne kamar almara. -Kuma ka duba matan nan da aka yita duka alhali ba'a ganin mai dukan nasu. To ko dai da gaske Jinah... -A'a wannan ma ba gaskiya bane, kawai dai akwai boyayyen al'amarin dake faruwa. Haka suka zauna cikin wannan tunani har Sarah ta dawo daga kasuwa. shiga tayi kitchen ta gyara abincin da ta siyo kasuwa domin tashin hankalin da take ciki bata ji zata iya dora girki ba, Shi ma domin su Abdul ta siyo. Haka suka zauna gidan shuru kowa cikin taraddadin abinda ya faru har zuwa lokacin da ihun Jinah ya dawo da su hayyacinsu. -Ina suke? Sarah suna ina? Jinah ta fada lokacin da Sarah ta kunno kai dakin, Abdul da yar uwarshi a bayanta kowanne rike da yaro a hannu. -Me kike cewa ne Jinah? -Raunukana, radadin da nake ji, me yasa bana jin komai yanzu? Bai dace hakan ya kasance ba. -Kwantar da hankalinki Jinah! -A'a a'a, na cancanci wannan ciwon, me yasa duka suka bace? Ina suka yi ne? Duk ta hargitse, ta fara fita hayyacinta, ta zama abar tausayi. Kara takurewa tayi cen karshen gadon tareda hade kai da gwiwa sannan ta hana kowa ya kusanto inda take, hatta yaranta dake ta kuka taki kulasu. Sarah ta rasa me zata yi, fita tayi daga dakin ta nufi kitchen ta zauna kan kujera ta shiga rera kuka mai ciwo. Duk wadannan abubuwa dake faruwa sun zo sun cunkushe mata, ga kuma halin da Jinah take ciki, rashin sanin abinda zata yi ne ya sata kuka. Ba ita ta haifeta ba, amma tana jinta tamkar mahaifiyarta, kuma cilas ne idan Da ya shiga mawuyacin hali itama uwar ta tsinci kanta. Hakama Abdul da Nafi suna cikin firgici sosai. A cen tsakiyar kwakwalansu neman duk wani abu da zai warware masu kullin dake cikin wannan al'amari suke. Abinda basu sani ba shine basu ga komai ba a kan tashin hankalin da ke gaba. ============================= Salam, fatan kowa yayi sallah lafiya? Allah ya nuna mana ta wata shekarar da ran da lafiya. Ameen Allez à bientôt pour la suite. 😍 ©El_Ashtar Oooh na manta, ku dinga hakuri da kuskuren typing, ni kaina ina ganinsu duk lokacin da nake sake karantawa.... 💞 JINAH (Matar Aljani)💞 by Malik al-Ashtar ✒️ On wattpad 👉 https://my.w.tt/g6epSX3tJ5 You'd like this New ❤️ Story CHAPTER 14 ~*Wilaya Writers association of Nigeria*~ (Home of peace & hospitality).💦we are here to educate and entertain the heart of readers,we are the best among the rest💦 Visit to like our page:https://www.facebook.com/Al-wilaya-writers-association-of-Nigeria-113198586763490/?referrer=whatsappwhatsapp Kwanaki da yawa sun shude da mutuwar Dauda, sai dai babu wani sauyi da ya samu, komai yana nan kamar a baya. Ba mai yiyuwa bane, me yasa har yanzu ta kasa ganina? Me yasa ta kasa tuna ni? Idan saboda ta fada soyayya da Dauda ne yasa ta manta ni, ai yanzu kuma baya duniyar, ya kamata ta tuna ni tunda yanzu baya nan. Maganar da kullum Fally yake maimaitawa kenan. Alhali, a cen tsakiyar kwalwarsa yasan amsar duk wannan tambayoyin, kawai dai ya kasa yarda ne. Yanzu ya tabbatar Jinah ba wai ta mantashi bane domin tana soyayya da Dauda, mahaifiyarsa ce, tayi sanadin da abar kaunarsa ta manta da duk wata rayuwa da tayi dasu. Yana jin takaicin abun sosai, domin shi bai ga wata hujja da zata saka mahaifiyarsa yin hakan ba, sanin yadda duka biyun suke son junansu, ga kuma duk sadaukarwar da yayi domin kawai kasancewa da Jinah. Wani barin na zuciyarshi yana ganin kawai Jinah amanarsa taci, ba sonshi dama take ba. -Kai ne Babanmu ko? kananun muryaoyin suka dawo da Fally daga dogon tunanin da yake. Murmushi yayi har kunne ganin yan tagwaye ne da tuni suka fara magana. -Eh! Na jima ina jiran wannan ranar da zaku fara magana, ko ba komai kadaicina zai ragu. -Idan kai babanmu ne, me yasa mama bata ganinka? Kuma bata taba maganarka ba? Aya ce tayi masa wannan tambayar, walwalar dake fuskar baban nasu ta gushe. -Labari ne mai tsawo! Fally ya fada. Matsowa Ayu yayi wajensa tare da dora hannunsa akan goshinsa. -A'a kar kayi haka! Aya ta fada tare da janye hannun dan uwan nata da sauri. -Me? Meye yake son yi? Fally ya tambayeta da mamaki a fuskarsa. -Duba rayuwarka ta baya, sanin duk wani labari na rayuwarka da kace mana mai tsawo ne. -Da gaske, zaku iya yin hakan? -Muna iya yin fiye da haka ma. Ayu ya bashi amsa. -Tabbas, ansha bamu labarin abubuwan da irinku wanda rabinsu aljanu rabinsu mutane ke yi, amma ban taba samun nasarar ganinsu ba. Sai gashi yau gaku kuma a matsayin 'ya'yana. Dole aljanu su shiga farautarku, amma karku damu zan kasance a kullum domin kareku. -Mune zamu ce maka kar ka damu, ba zasu iya yi mana komai ba. Cewar Ayu. Murmushi Fally yayi, tunawa da yayi da kuruciyarsa, kamannin Ayu da komai kamar shine yayi kaki ya zubar. -A'a Dana, yawan fariya, yana kashe yarda. Zan so ku gwada min duk wani karfin da kuke da. -A gaskiya, bamu san iya adadin karfin dake garemu ba, abubuwan suna zuwa ne lokaci lokaci. -Oh na gane, Aya fada min me yasa kika hana dan uwanki yasan labarina? -Saboda ina so ne kai ka bamu labarin da kanka! Babu ladabi idan muka bincika labarinka ba tare da izininka ba. -Dakyau 'yata haka ake so, Ayu ya kamata ka dinga koyi da yar uwarka. -Eh, ai ita a komai sai ta zake. Dariya sosai Fally yayi kafin yace: -Shikenan bari na baku labarina, Ni da mamanku tare muka taso tun muna kanana, tun lokacin na fahimci ba daya muke ba, ta banbanta da duk wanda da ke yankin mu. Da farko na fara magana, ita kuma a'a. Na fara tafiya, amma ita a'a, ina iya yin abubuwa da dama, da aljanu ke yi, amma ita a'a. Idan muka ga wani abu na cutarwa, ni zan iya bacewa amma banda mamanku, anan na fahimci nine ya kamata na kula da ita, na kareta daga duk wani da zai yi kokarin cutar da ita. A koda yaushe muna tare, zan iya fada da kowa saboda ita. Haka lokuta na shudewa, ina cigaba da zama mai bata kariya da kuma jin ina zama ita, ita ma tana zama ni. Wata rana, ba zan wuce shekara 13 ba, muka je wajen wani wasan dambe da ake shiryawa a yankin mu, akwai wani matashin aljani da ya dan fimu shekaru, ba a yankinmu ba yake, dalili kuwa ban taba ganinsa ba ko jin labarinsa ganin yanda yake ta dambe yana zubar da maza a kasa, domin da a yankin mu yake to da tuni labarinsa ya tsayawa kowa a baki. Ana cikin wasa na hangeshi ya nufi inda Jinah take zaune, zaunawa yayi kusa da ita suka fara fira. Babu mai iya yin haka a yankin mu. Duka sun san Jinah mutum ce, shi yasa babu mai rabenta idan ba cutar da ita ba zai yi. Dariya Jinah ta fashe da ita da alamu firar da suke tana mata dadi, tuni wani haushi ya turnukeni na nufi inda suke, finciko Jinah nayi muka nufi hanyar gida. Zai fi mun a ce shekara dari za'a yi ana dukana ba tare da tsayawa ba, da ganin Jinah tare da wani kuma har alakarsu ta wuce abota. Anan na fara fahimtar ina sonta sosai, ta yanda komai zan iya yi saboda ita. Haka komai ya cigaba da tafiyar mana cikin jin dadi, domin itama tana sona da dukkan zuciyarta, ina da yakini akan cewa mamanku ta gari ce, batada keta ga kowa, zuciyar zinare ce da ita, ita tilon fure ce a tsakiyar sahara, ita... -Mun gane baba, ka cigaba. Cewar Ayu yana murmushin yanda baban nasu ya fara mayar da labarin tamkar waka. -Iyayen mu basa gajiya da nuna mana kuskuren da muke son tabkawa, abu ne da ba zai yiwu ba kuma anyi hani da hakan. Sai dai mu bamu taba baiwa maganarsu muhimmanci ba. Komai yana tafiyar mana daidai ni da mamanku har ranar da muka shirya zuwa mu daurawa kanmu aure, wanda shine sanadin wargajewar duk wani farin ciki nawa, shine yayi sanadin abar kaunata ta manta dani, kallon soyayya ya kare tsakaninmu. Ta daina ganina indai ba ni na nuna mata kaina ba, kuma idan nayi haka, tsorata take. Sam ta kasa tunani. -Amma me yasa, ina nufin me ya faru ta kasa tunawa da kai? Aya ta tambaya. -Ni kaina ban sani ba, bani da tabbacin... yauwa ya isa haka yanzu ku je kuyi wasa, wata rana ma cigaba. Ganin baban nasu babu abinda zai kara fada masu suka juya zuwa gurin wasansu. Murmushi Fally yayi domin yana tunanin wannan ita ce hanyar da zai iya dawo da memorin Jinah. (.....) Tun ranar da raunukan Jinah suka bace, bata kara samun kwanciyar hankali ba, duk ta wani hargitse kamar mahaukaciya, kullum tana rakube cikin daki, idan ka ganta waje to ban daki zata shiga. Abinda yafi daga mata hankali ma, yan tagwayenta da suka fara magana, magana da kalmomi daki daki kamar manyan mutane... Cewa take ko dai ta fara cin kai ne. Yaran da basu kai ga cike shekara daya da haihuwa ba, bai dace ace suna magana daidai ba, ta kara tabbatar da ta haukace, sai ranar da taga yaran sun bace a kan idonta kuma sun bayyana, sai tace kawai duk cikin haukan da take ne kwalwarta ke shirya mata irin wannan abun. -Ina son magana da ke Jinah. Cewar Sarah tare da zaunawa kan gadon kusa da Jinah. -Ki yimin magana dan Allah Jinah. Ta maimaita ganin Jinah bata da niyyar bata amsa. -Ni ya zan yi? Ya zan yi... Na haukace Sarah! Cewar Jinah tana mai saka kanta tsakan kafafuwanta. -Me yasa kike wannan tunanin? ko saboda abinda ya faru, to ai mu ma muna a wajen, koko dan yan tagwaye suna ta saurin girma ne, suna magana kamar manyan mutane... Eh ba ke kadai bace kike ganin wannan abun ba, kinga kenan idan mahaukaciya ce ke, to mu ma mahaukata ne. Abun da tsoro na sani, amma me yasa ba zaki yarda da cewa wannan ikon Allah ba ne, ba a koda yaushe ba ne muke fahimtar abubuwan dake faruwa damu, wasu abubuwan basa fassaruwa. Mutuwar Dauda ba abu bane mai dadi garemu baki daya, fada mun wa yake iya yaki da kaddara? Zamu iya goge rubutun da bamu ma san yana rubuce ba? Wata rana kila zaki fahimta, amma kafin wannan ranar, kiyi rayuwarki kamar yanda tazo maki a yanzu. A lokacin ne Jinah ta fara yarda da wasu abubuwan. Rungume Sarah tayi na dan wani lokaci kafin taji an dafata a kafada. Nafisa ce. -Nagode. ta fada kafin ta mike ta nufi tsakar gida, tarar da yaran nata da Abdul tayi suna wasa. -Nima nazo ayi wasar da ni! Ta fada tana kallonsu tare da murmushi. Murmushin jin dadin ganinta Abdul yayi, su kuwa tagwayen a guje suka nufi uwar tasu. Abdul yace -Naji dadin ganinki. Har cikin ransa yake fadar haka, domin baya jin dadin ganin halin da take ciki, yana ganin tunda yanzu ba Dauda shine wanda ya kamata ya zama mai tallafa mata. Bayan ta gama da Abdul ta dawo kan yaranta. Rungumesu tayi kwarai kamar zata maidasu ciki tana maimaita ku yafe mani, hawaye na zubo mata kamar fanfo. Tana dana sani sosai na watsi da tayi da su kwana biyu. -Kar kiyi kuka mama, mun fahimta. Cewar Aya. Idan da yarinyar nan ta fadi haka awannin da suka wuce, to fa Jinah zata iya zundumawa da gudu, tace ta haukace, abinda taji ba gaskiya ba ne. -Ina sonku sosai, rabin raina. Nafi da Sarah suka nufi kitchen domin sarrafa abinda zasu ci, suka bar Jinah da Abdul da kuma tagwaye da kamar walkiya suka bace daga wurin ba tare da mahaifiyar tasu ta lura ba. -Har yanzu babu wani labari game da mahaifinku? -A'a, wannan ma ba wani abun damuwa bane, domin ya saba irin wannan ba tare da mun samu labarinsa ba. Abinda yafi daure mun kai yanayin da ya shiga da kuma maganganun da ya fada kafin ya tafi. -Nima haka ban fahimci komai ba. -Mu bar dai maganar a yanzu, me zai hana ki tashi mu zagaya gari? -Toh bari na dauko mayafina. -Eh gaskiya kam, ko dan kar mutane suyi ta rantan na kare ba. Dariya dukansu suka yi kafin taje ta dauko mayafinta. A hanya labarin dariya Abdul yake ta bata, tana ta kyalkyata dariya. Cikin dariya tace -Dan Allah ka dena, ba zan iya ba, cikina ya fara ciwo. Kamar Dauda kake sai ku nemi kashe mutum da dariya. Shuru tayi tana hawaye tunawa da tayi da Dauda. Kwantar da kanta Abdul yayi a kirjinsa, yana lallashinta, shi kansa yana kewar Dauda sosai. -Hum yaran yanzu ba kunya, suyi ta manne mannen juna kamar chewing-gum a kan hanya. Tirr, shi yasa a wannan zamanin 'ya'yan shegu suka yi yawa. Cewar wani tsoho da yaje wucewa ta kusan Abdul da Jinah. Dukansu Kyalkyacewa da dariya suka yi. -Kai mutane akwai kananan kwakwale, ta yuwu mu yan uwa ne, amma su basa wannan tunanin, sun saba da ganin aibu a kullum, idan basu da tabbaci akan abu, to fa abinda zasu yi ta yadawa zai zamo na kuskure ne. Abdul ya fada, sakinsa Jinah tayi tana dariyar wannan tsoho. Abdul ne ya katse zancen da cewa: -Fada min da gaske kina son Dauda... Ina son na sani ne, saboda wata rana yace min zai yi komai ganin kin soshi, ni kuma na fada masa kina sonsa ganin yanda kuke a kullum amma yace min a'a. Dogon numfashi Jinah ta sauke kafin tace: -Eh ina son Dauda, amma ba kamar yanda yake so ba. Ina jin wani abu ne a cikin zuciyata kamar ina son wani wanda na yiwa alkwarin bashi zuciyata ba tare da na hada sonshi da na wani ba. -Ikon Allah! -Hmm na sani. Haka suka cigaba da tafiya shuru ba wanda ke magana, bayan sun dan zagaya suka dauki hanyar komawa gida. Suna kawowa gida, Jinah taja burki ta tsaya, waiwaye take kamar wadda ta bata. -Me ya faru? Abdul ya tambayeta. -Ina jin alamun wasu ne anan. -Me? -Ba yau na fara jin haka ba. Kallonta Abdul yake na irin kodai ta fara cin kai ne. Sedai da gaske ne, koda Jinah bata ganinsu, tana jin alamunsu idan suna kusa da ita, wato aljanu. Har ta saba da hakan din sakamakon kasancewar Fally kullum a kusa da ita. Sai dai wannan karon ba Fally bane, tana jin alamun kamar suna da yawa. Dakarun aljanu ne da dama suka zo, sun zo ne domin yan tagwaye. Tuni yan tagwayen da mahaifinsu sun ga aljanun, ganin yawansu Fally ya karaya, yasan ba zai iya masu ba amma yayi alkwarin ba zasu taba daukan yaran ba sai bayan ranshi. -Kamar yanda nayi alkwari, gani na dawo, kuma bani kadai ba, bakada wata dama ta kubuta a nan. Ka barmu mu tafi dasu, mu kuma zamu kyaleka. Cewar wannan aljanin da yayi fada da Fally a baya. -Ku fara bi ta kan gawata tukunna! -Toh ka sani koda mu bamu yi nasarar tafiya dasu ba, to wasu zasu zo, dan haka ba zaku taba samun sukuni ba... Kafin ma ya karasa maganarsa sai ga Aya da Ayu sun bayyana a gurin. -Ban fada maku, ku buya ba? Fally ya dakawa yaran tsawa. -Mu suke son dauka baba, su gwada kamamu idan zasu iya. Gama fadin haka keda wuya, tagwayen suka arce da wani masifaffen gudu. Makwamusan da kuma mahaifin nasu suka bi bayansu. Dukansu mamaki suke na irin masifaffen gudun yaran. Tsayawa suka yi, domin basa ganin yaran. Tagwayen sun bace. -Kay gamu nan, me kuke jira ku zo ku kamamu! Cewar Ayu yana dariyar keta. -Wannan wane tashin hankali ne, double bacewa! Cewar daya daga cikin aljanun, suma sauran al'ajabin abun suka shiga yi fahimtar abinda ke faruwa. Bayan karfin dake garesu na iya bacewa idon bil'adama, tagwayen zasu iya bacewa suma aljanu. Da taimakon mahaifinsu suka yi ta shammatar aljanun. Dukansu suke ta ko'ina, aljanun duk sun jigata. Anan suka tabbatar da dalilin da yasa shugabansu ke son su kwato masa tagwayen. Da yawa daga cikinsu suna jin labarin yara rabi mutum rabi aljanu, amma basu taba haduwa ba dasu ko jin labarin irin karfin dake garesu. Bayan wani dan lokaci, wasu aljanu hudu suka yiwa Fally kawanya, kokarin kubutar da kanshi yake amma ya kasa, dirarwa biyu daga ciki yayi, su kuwa biyun suka yi kansa suna duka, daya daga cikinsu yayi nasarar shaudawa Fally bulalar nan mai fasa jikin mutum ta sakar masa kwari masu cin nama, bulalar ta sauka a kirjinsa. Wani azabataccen ihu Fally ya saki, wanda yayi nasarar jawo hankalin yan tagwayen dake cen suna fafatawa da sauran aljanun, basu lura da mahaifinsu yana bukatar taimako ba. Da sauri suka nufi mahaifin nasu, ganin wannan kwarin na cin nama jikinsa, basu san me zasu yi ba, basu san cewa kwarin zasu bar jikin mahaifin nasu ba ne idan suka dauki wani aljanin suka dora kan mahaifinsu, sannan kwarin zasu bar jikin mahaifinsu. Kuka Aya ta fara, tayi ta kokarin cire kwarin da hannunta, amma kamar tana kara masu yawa. Tashin hankalin da suka shiga yasa suka kasa sarrafa karfinsu, har suka dawo aljanun na ganinsu, Ayu kokari yake na hana aljanun kaiwa garesu, amma hakan ya faskara har lokacin da daya daga cikin aljanun yayi masa wani mugun