WATA MAHANGAR BOOK 1

ne da zaka gaya min haka bance karka bi umarnin iyayen ka ba amma ka sani ni ban gina rayuwata ta haka ba da to kawai ya bini . Naji ya ce ikon Allah ! Kwana uku yayi yawa tsakanin mu kawai naji ya Kirani gobe yana kan hanya da safe na yi mishi girki na daddafa wasu abubuwan nau'ikan abinci a lokacin da na ganshi sai da nace Allah ya tsinewa soyayya yau kuma nan ya kawo ni ? siriri ne sosai bashi da jiki sai tsawo kaman dogon karfe a nan hankalina ya tafi don in ba soyayya ba babu abun da zai sa na kula JB don ƙaunar da nake yi mishi ne ya jawo haka tabbas haka muka ta surutu da shi don yadda ya ganni a hoto a zahiri nafi haka kyau a ranar na tsinci kaina cikin farin ciki kunya nake ji na cewa iyaye na wannan saurayi nane daman bance zaizo ba ganin shi suka yi na kuma ce da iyayena ƙanin kawata ne. zai wuce Gashua . Dare yayi kusan ƙarfe tara i yaye na sun yarda dani,sun yaba da hankali na da tarbiyyar da suka bani basu kawo komai a ransu ba a daren soyayya ta ɗebo mu muka aikata alfasha ban baro ɗakin ba sai da nayi wanka kafin kusan goma da rabi na fito naci azaba sosai amma shi kuma ko a jikin shi babu ruwan shi naga farin ciki a tattare da shi na wuce ɗakina dake cikin gida bacci ne ya gagara ɗauka na. ganin hoton mu nake yi a ido na yau ba kuɗi ba ba komai na rasa budurci na na tsawon shekaru talatin da uku a duniya saboda so a washe gari da safe nine naje ta shin shi yayi Sallah bayan yayi Sallah ya jawoni jikin shi nayi rumfa da ƙirjinsa, a safen muka ƙara kasancewa da junan mu. Tare muka shiga wanka dani da shi kamar wasu ma'aurata, idan na tuna yanzu wannan yaron shine yayi min abun da manya ma ba su samu dama a kaina ba sai takaici ya dame ni, abun haushin ma Naira ɗari biyu ne ya hada su da kanne na don baizo da komai ba daga shi sai kayan jikin shi kawai yazo da shi . Wajajen ƙarfe biyu yace zai koma gida, ya koma garinsu tunda ya tafi daman wayar shi ta ɓaci a hanyar zuwa kwana biyar bai Kirani ba, lokacin da ya Kira ni maza mutanan mu wasu kam kalar halin su irin nasaran su ce a rayuwa kwata-kwata JB bai dace da tsarin rayuwa ta ba sai sajen sane irin wanda na ke so amma na miji kamar bishiya. "Saunawa kika Kira ni?" Abun ya bani haushi bai ma tambayi ya lafiya ta ba amma yake tambayar sau nawa na kira shi tsabagen takaici shiru kawai nayi narasa abun faɗa kawai a haka muka ci gaba da gudanar da soyayyarmu ba tare da mun yi nadama ba, a duk lokacin da muka kasance tare sai naga wani sabon soyayya a gun JB . Mungu ne maƙaryaci ɗan sharri ne azzalumi har gidan mu yazo ya keta min haddi don so ko cuta Allah ka saka min sakayya na har a bada Allah kasa yadda zan auri wani ba tare da na kai mishi daraja taba kasa shima kar ya auri kamila. A karon nan kuma son da yake min yafi wanda nake yi mishi ya fara fita a raina sosai wani rana kawai mahaifina ya Kira ni akan cewa zai yi min miji akwai wanda zai ba dani a shi amma na ƙi amincewa ga mutumin babba ne ga kuɗi ga ilimi amma naƙi shi, kiran JB nayi nace akwai babbar matsala sosai tambaya ta yayi. "matsala a kan me kenan ki gaya min mata ta"? a na so a haɗa ni aure da wani ina ji JB yace ''babbar magana!'' daga nan zuga ni yayi yace kar na yarda nace to na amince ni kai kadai nake so Saide kuma kash! namiji munafiki ne na nunawa a jarida amma masu hali irin na JB. Maza sun daɗe suna cutar da mu sun daɗe suna jefa mu cikin ukuba da tashin hankali zance maza lawurjen wandonsu mutum ɗaya ne mai ɗinka wa wallahi wasu mazan ba su da maƙiya sama da mu a tattare da muma haka. Ina cikin zama na rana ɗaya an rabani da kima na da kuma daraja ta da martaba na hawaye Masu zafi da ciwo ne ke zuɓa daga ido na' ni kai na abun tsoro ye bani ina wayo na da nake tinƙaho da shi. So mungune wannan kalman shine ya ruguza wa ,wasu lissafi wannan lafazin shike bawa sheɗan daɗin zuga mu ,ina ma nayi zamana a haka . [11/5, 11:20] Maman Khairat: WATA MAHANGAR MARUBUTAN JAHAR YOBE Story and writings by Amina ma'aji Ahmad Toshiba maimuna Tijjani Iyam LAMBA TA UKU *Labarin Nusaiba abun dubawa ne ina yan mata labarin Nusaiba da JB ya,isa kugane maza halin su duk ɗaya ne amma a kwai kaɗan na kirki a* *cikin su Allah ka shiga lamarin Nusaiba ka dafa mata kabata juriya* *kasakawa duk macen da ,a ka cutar da ita ta fannin soyayya.* *Maza maza halin ku sai wanda ya halicce ku* A duk lokacin da nake cikin farin ciki tabbas ina jin daɗi sosai nafi bawa JB lokaci na fiye da komai haka zai ce in baya komai ki hau online a kwai magana mai daɗi bana video call amma dole, saida na fara. JB ne ya kira ni wato irinsu JB halin su daban ne bana raba ɗaya cikin biyu soyayyar da JB yayi soyayya ce wanda har da na yarinta a cikin ta ba ya hangen nesa ko kaɗan ina cikin farin ciki in har zan ga ya Kira ni kamar an yi min kyautar dubu goma in nace zanje kitso sai ya ce yafi son gashi na a haka . Watarana JB ya yi min magana "ki yi haƙuri don Allah " Me yasa kake ba ni haƙuri me ya faru ne? "a gaskiya ba zan cutar da ke ba iyayena sunce sun zaɓa min mata sannan yarinyar tun ban kai haka ba take so na nasan auren mu dake ba lalle ne ya kasance ba muddin haka ya kasance me zance miki don Allah ki fahimce ni sannan in kin samu wani kiyi auren ki kar ki jira ni don jira na gaibu ne har ga Allah, a lokacin da yake gaya min tamkar an watsa min ruwan zafi. Me yasa ba ka sanar dani ba sai da ka bari son ka yayi min illa kafin nan? me yasa sai da ka bari muka samu matsala kafin zaka sanar dani ka janye maganar auren mu? me yasa kayi min haka? Daman yaudara ce ta shigo da kai cikin rayuwa ta? Ka cuce ni Allah kuma zai yi min Sakayya ta hanyar da ba ka yi zato ba amma ka sani ban cutar da kai ba muddin akwai wanda ya cutar da wani Allah ya bi mishi kadun shi wallahi zan barka ne kayi aure amma muddin nasa wani abu a raina har ka mutu ba za ka yi aure ba. A lokacin da yaga saƙon ranshi ya sosu kalmar ''Hmm'' kawai ya rubuta min ni kuwa kamar zuga ni a keyi na fara magana "da na san kai mayaudari ne da ban baka kaina ba amma muddin kace tukunyan wani ba za ta- tafasa ba haƙiƙa naka ko zafi ba zai yi ba sannan ka sani ba lalle bane ka auri kamila, raina ya ɓaci na gaya mishi magana sannan nace mishi mu zuba mu gani. A ranar ciwon zuciya ta ya tashi nasha wahala don alluran da aka yi min masu tsada ne da su, magani, kuwa an siya min ya kai na dubu talatin duk dangi na suna tausaya min muddin ciwo na ya tashi to kowa sai ya tausaya min, naga rayuwa sati nayi ina kwance a asibiti saboda numfashi na rabewa yake yi nayi da na sanin haɗuwa da JB don ya ɗaga min hankali sosai. Rufe waya ta nayi saboda nasan babu wata alaƙa da zai shiga tsakanin mu da JB tunda ya furta a yadda na fuskanci JB ƙarya yake yi ya yi hakan ne kawai don ya guje min, babu ra'ayin aure a tattare da shi kawai ya samu mafita ne kawai na barshi da Allah babu wanda yasan me ya haɗa mu tunda daman gidan mu basu san da shi ba sun ɗauka kawai ciwo na ne ya tashi sun bani kulawa sosai a tunanin yan gidan mu ban ƙara sa wani a raina ba tunda Muhammad ya rasu mahaifina har ya shiga ruɗani da fargaba yadda ya je ya duba ni. Ina zaune naga anyi min magana a kan cewa in yi haƙuri don Allah komai ya wuce "JB bana ƙara soyayya a cikin rayuwa ta ni ban san daɗin soyayya ba wahalar ta na sani, Muhammad bai taɓa sani damuwa ba, yakan girmama buƙata ta wallahi na rasa me sona na har abadan don haka bana jin wani zai ƙara samun gurbi ta soyayya a tattare dani . Sai ce mun yayi "Ko da na dawo gare ki "? Koda ka dawo gare ni ba zan yi soyayya ba don babu komai cikin ta sai azaba amma na gode wa Allah yanzu fa idan kayi la'akari soyayyar da ka nuna min na lokaci ne ƙalilan don haka mu bar maganar zai fi ko dai me ka gani? "Ki yafe min ban san za ki jefa rayuwar ki cikin tashin hankali ba amma ina neman afuwa ki yafe min ". Jiki na ne yayi sanyi nace babu damuwa komai ya wuce Allah ya rufa asiri muka dawo kamar ba muyi komai ba bayan yayi min alƙawari zai shawo kan iyayen shi sai naji sanyi a raina sosai in banda so. JB banda sana'ar da yake yi wanda kudin sana'ar in an haɗa shi bazai kai miliyan ɗaya ba amma yanzu yana yaron shi wani zama za muyi da shi kenan don a yadda yake koda ance ya kawo kuɗin aure na wallahi ba shida shi dubu hudu ne ya shiga tsakanin mu kati kuwa ban taɓa ganin shi a waya ta da zumar shi ya sanya min ba. wannan soyayyar da shi da babu duk ɗaya ne . Lokacin da muka yi faɗa har zance ya turo account no na tura mishi kuɗin shi amma kawai nayi haƙuri da yawa a cikinmu mu ne mu ke janyo wa samari suke raina mu ba don komai ba sai don yawan yarda da muke yi da su da sauri ba mu kiwaci hankalin su ba muke basu saurin yarda su kuma yan yarima a sha kiɗa ne maza gaskiya basu da imani su cutar da mu ko don sun ga su ba ta yadda za'ayi a gane sun banzatar da kan sune duk yawan rashin mutuncin su basa nadama Allah ya ɗaura su a kan mu . shiyasa suke haka amma na tabbata a kan ƙannen su za'a rama mana ko kan ƴaƴan su azzalumai. A kullum ina nadama sosai sannan na roƙi Allah ya yafe min Allah da kan shi ya ce zinar ma kada mu kusance ta yau gashi son wanda zai walaƙanta ni ya janyo min na rasa komai nawa nayi hawaye a duk lokacin da nake kuka babu wanda nake gaya mishi damuwa ta don bashi da magani . Idan mun shirya haka za mu yi ta marmarin juna kamar ba za mu ƙara faɗa ba ashe kan faɗa ya na gaban mu, na fuskanci tunda muka haɗu, ciwo na ya cika tashi ba don komai ba sai matsalar JB amma kuma ni Nusaiba nayi da na sanin JB don ya zame min ƙarfen ƙafa wannan shine a sanadin ƙadddara ko dai ince a haka ƙaddara ta yazo min, ni Nusaiba wallahi so mugun abu ne ina tsintar kaina cikin jin daɗi don JB ya iya kalamai masu ratsa zuciya shine baiwar da Allah yayi mishi zan jure amma ba a nan gizo ke saƙar ba bana iya jurewa na minti talatin ba tare da naji muryar shi ba, abun walaƙancin ma shine zan kira sai yayi sau uku kafin ya ɗauka koda ya ɗauka to wata ƙaryar zai min ina ganin shi a online amma zai iya ce min ya dade bai hauba. Tambayar shi nayi me yasa baya daukar waya wannan baya kyautawa sannan wannan cin zali ne bana kaɗan ba yana dubawa daya gani bai bani amsa ba naga yayi blocking ɗina a facebook da Whatsapp da telegram har ya cire photon sa akan dp duk na duba babu komai nace to naso gaya mishi magana amma kawai na ɗaure JB mungu ne azzalumi mayaudari, yafi son iyayena su dinga kashe kuɗi a kan jinya ta babu ruwan shi a nawa tunanin ban yi mishi magana mai zafi ba. Da na cancanci kyautar fushi daga gareshi walaƙancin ne ya tashi kawai irin nashi Allah ya shiga lamarina ya sakamun to kowa ce hanya yabimin hakki na ,maza a duk lokacin da ka yadda da namiji tashin farko zai baka kunya ne bana kaɗan ba JB yagama da rayuwa ta. [11/5, 11:20] Maman Khairat: *WATA MAHANGAR* Story and writing by *Amina Ma'aji Ahmad Toshiba Maimuna Tijjani Iyam* LAMBA TA HUDU Lumshe idanuna na yi a karo na barkatai ina cije leɓɓana da matuƙar ƙarfi. Tare da sakin sakekken ajiyar zuciya, idanuna tar na buɗe a bisa rufin ɗakin da ya zama shamaki tsakani na da sararin samaniya. A hankali nake jin ɗumin hawayen da nake jin sauƙar su a bisa fatar fuskata da ta sha gyara da dilkar amare tayi fes da ita. Duk inda ruwan hawayen ya bi ji nake tamkar ana watsa mini garwashin wuta, duk yanda naso danne kukan da ke ƙoƙarin suɓuce mini sai da lamarin ya ci tura. Cikin sauri na zaro kallabin dake kaina na tura cikin bakina, a ƙoƙarin hana sautin kukan fita. Ɗakin cike yake maƙil da ƙawayena da suke jiran wayewar garin gobe domin gabatar da dinner ɗin bikina. Jibi kuwa warhaka na zama matar aure na zama mallakin yaya Sufyan kuma halaliyarsa. Babu shiri sautin kukan ya karaɗe dukkan ɗakin da duhun daren ya mamaye ko ina, muryar Sakina babbar aminiyata ya ratsa ƙofofin kunnuwana. Ta kunna fitilar ɗakin take haske ya gauraye ko'ina, ta nufo ni tare da jeranta mini tambayar lafiya wani na bin wani, kwantar da kaina kawai nayi a kan kafaɗarta ina cigaba da kukan tausayin kaina da yanda zanen ƙaddarata take ƙoƙarin rufe shafukan farin cikin rayuwata. "Ke Surayya wai lafiya kuwa?, ko fasawa yaya Sufyan ɗin ya yi?". Ban iya furta mata ko kalma ɗaya ba domin nauyin da bakina ya yi mini, na gaza samun yawun da zan sarrafa. Ina jin ina ma fasawan ya yi da sai nafi zama cikin kwanciyar hankali da samun nutsuwar ruhi fiye da halin da nake ciki yanzu. Miƙewar da tayi tana faɗin"bari na ƙira Hajiya don tabbas akwai matsala". Ya San ya ni jin wani kuzarin da ban san ina dashi ba a wannan lokacin ya sauƙar mini, na riƙe hannunta gam cikin nawa. Har yanzu hawaye yana zuba daga idona na cira kaina tare da watsa idanuna akan fuskarta da razani ya bayyana ɓaro ɓaro. Sai da nayi kokawa da numfashina da yake sarƙewa kafin na sama zarafin faɗin babu buƙatar ki ƙira Hajiya. Ina iya jin ajiyar zuciyar da ta saka kana ta zauna cikin sanyin jiki tana fuskan tana ta soma faɗin "to menene matsalarki?, kamar ba ke bace kike cikin walwala awannin da suka gabata. Ina wannan annurin fuskarta kin?". Shuru nayi mata ba tare da na ce da ita ko kanzil ba, hakan mai hana ta ɗaurawa da"kowa ya shaida yanda yaya Sufyan yake tsananin sonki, da hakan yake bada tabbacin zai kula dake". Ɓoyayyiyar ajiyar zuciya na sauƙe ina jin wani ɗaci yana gauraye mini dukkan kusurwa bakina domin ba a nan gizo ke saƙar ba. Komawa nayi na kwanta lamau saboda ɗaɗɗakun mutanen da suka fara tashi, ina jin suna faɗin wai Sakina ta kwantar da hankalinta. Dukkan wata amarya tana tsintar kanta a irin wannan yanayin na damuwa da fargaba matuƙar bikinta ya gabato. Wata irin ƙaddara ce take ƙoƙarin yin diran mikiya a rayuwata a wannan lokacin?. Me yasa Suraj zai bayyana a cikin rayuwata a dai dai wannan gaɓar?, waye zan tunkara da batun kuma ya fahimci ni ba tare da ya yi mini kallon bututu ba?. A take zuciyata ta sanar da ni ko Hajiya da ta kasance uwar ta haife ni ba lalle bane ta fahimci ni. Amma tabbas dole nayi yaƙin nemawa kaina yanci da farin ciki na har abada a gidan aurena. Haka na ƙarar da dare ina tufka da warwara cikin raina, ƙiran sallan farko na assalatu kuwa tamkar a kunnuwana ladanin ya ƙwala. Wayata ta soma ruri ko ban duba ba na san yaya Sufyan ne domin ko wacce rana dai dai irin wannan lokacin yake ƙira na na tashi nayi sallah. Jawo wayar nayi na tsura mata ido ina jin wani raɗaɗi a cikin raina, na rasa dalilin da ya hana ni ɗaga ƙiran kamar yanda na kasa katsewa. Sai da ya ƙira a karo na biyu sannan na ɗaga. Ban amsa sallaman da ya yi ba balle gaisuwar a taƙaice na furta na tashi. Ban jira amsar da zai bani ba na gimtse ƙiran tare da ajiye ta gefe guda, tunin aka fara tashi don gabatar da salla hayaniya ya ɗauki gabaɗaya gidan. Sai da na jira duk suka gama ɗauro alwalan sannan na ɗauki wayata da na sanya a airplane mode don ƙar yaya Sufyan ya ƙara ƙira na na shiga banɗakin. Na mayar da ƙofar na rufe sannan na buɗe ruwa yana zuba. Zaman dirshan nayi tallafe da kuncina sannu a hankali hawaye suka fara tsere a bisa fuskata, na shiga manhajar whatsapp ɗin wayata na latsa saƙon muryan da Suraj ya turo mini na fara saurara. Cikin kuka da muryan dake bayyanar da tsantsar nadamar guje mini da ya yi, yake bayyana mini cewar ya dawo gare ni dawowa ta har abada. Tare da alƙawarin kasancewa tare da ni har izuwa ranar da numfashi zai yi bankwana da gangar jikinsa. A bayyane na furta me yasa me yasa Suraj?, me yasa za ka bayyana a wannan lokacin da kwanaki biyu kaɗai suka rage na zama mallakin wani?. Me yasa ka guje mini a lokacin da nake tsananin buƙatar ka a kusa da ni?. Waye zan tunkara na sanar dashi cewar soyayyata na tsawon shekaru uku ya dawo?. Rashin Suraj ya sanya ni amsar tayin soyayyar yaya Sufyan kasancewar sa ɗan uwana, amma babu wani namijin da zan gwada soyayyarsa da ta Suraj a cikin zuciyata. Ko yaushe zuciyata cikin yi masa uzuri take akan laifin da ya aikata mini, shi kaɗai nake da tabbacin zan iya zaman aure na mutu ka raba dashi. Sai da na saurara ya fi sau goma sannan na cire airplane mode ɗin da na sanya. Saƙon yaya Sufyan na fara karo dashi yana tambayar na yi salla da kuma fatan na tashi lafiya haɗe da tuna mini adadin awannin da ya rage a ɗaura auren mu. Share saƙon nayi na kunna data na mayarwa Suraj da amsa akan ina so mu haɗu da yammacin yau, hoton dake bisa DP ɗin sa na tsurawa ido domin sunana ne aka rubuta da manyan harrufa da ƙaton hoton zuciya a ƙasa. Ban damu da inda ya sama lambata ba na soma shafa hoton wasu sabbin hawayen suna bin kuncina, ina takaicin rashin kula shi da nayi tun lokacin da aka fara yi mini magana da lambar ina sharewa da rashin mayar da amsa, har sai da ya sanar da ni wanene a ƙurarren lokacin da aski ya zo gaban goshi. Na rasa mafita da madafa sai dai tabbas ba zan taɓa yin gangancin rasa Suraj ba tunda har ya kawo kansa cike da nadama. Da wata mahangar iyayena zasu dubi lamarin?. Tsam na miƙe har zuciyata nake jin zan iya ɗaukar duk wani abin da zai je ya dawo matuƙar zan mallaki Suraj, sai da na wanke fuskana sannan nayi alwalan na fito cikin sanyin jiki. Duk da ban ɗago kaina na kalli kowa ba tabbas jikina ya bani tabbacin cewar duk ni suke kallo. Hijabi na zura na tada kabbara sosai nake godewa ubangijina da ya dawo mini da Suraj gabannin a kai ni cikin gidan wani. Gaisawa muka shiga yi da ƙawayena suna ta yi mini tsiya da faɗin amarya gobe da yardan Allah, taɓe baki nayi na haye gado nayi kwanciyata na kunna data ko Suraj ya maido mini da amsa amma shuru. Tagwayen ajiyar zuciya na saka ina matse wayar a jikina ban san sanda bacci ya yi nasarar ɗauka ta ba sai ji nayi kamar a mafarki Sakina tana tashi na tare da ƙiran sunana. A hankali na buɗe idona sannan na tashi na zauna ina kallon ta. "Hajiya ce ta ce a tashe ki kiyi wanka rana tayi". Sai a sannan na lura da hasken ranar da yake shigowa ta tagar ɗakin, na ƙara yin wata miƙa sannan na sauƙo na nufi banɗaki. Wanka nayi na fito na shirya cikin doguwar rigar atamfar da ta bi jikina ga farin fatar hannu da ƙafata da aka yiwa zanen jan lalle ya fito ya yi ɗas dashi. Ban tsaya ɗaura kallabi ba nayi lulluɓi da gyale na fice sashin Hajiya, ina ta cin karo da jama'ar da suka cika gidan. Cike na iske falon Hajiya ana shigowa da abin karin kumallo na tsuguna na gaishe su sannan na wuce cikin ɗakinta. Tana zaune da ƙanwarta ɗaya tilo da muke ƙira da Mami sai yayyena mata biyu Anty Sadiya da Anty Suwaiba, da alama tattaunawa suke yi na katse musu hanzari. Suka haɗe baki wajen amsa sallamar da na shigo da ita har na zauna suna bi na da kallon dake bayyanar da tsantsar ƙaunar su da babu algus a cikinta gare ni. Ɗaya bayan ɗaya na gaishe su suka amsa cikin sakin fuska kafin Hajiya ta ce"na ga har ƙarfe goma ba ki fito ba na ce Sakina taje ta ƙira min ke, lafiya kike kuwa?". Kaina kawai na ɗaga mata alamar e kafin Anty Suwaiba ta ce"ku shirye ke da ƙawayenki mai baƙin lalle tana tafe da ƙarfe sha biyun rana, sannan Sufyan ya ƙira ni wai na baki waya yana ƙiran naki bakya ɗagawa. Ki ƙira shi zaku yi magana". Take naji raina ya tunzura ko sunansa bana ƙaunar a ambata kusa dani yanzu, da kalmar to na amsa mata dashi na miƙe na fice. Sanda na dawo na tarar an shigo da abin karin daƙin, su Sakina suna ci suna hirar yanda taron dinnern da za a gudanar ƙarfe huɗu zai kasance. Gefe na samu na zauna duk abin duniya ya ishe ni wayata na ɗauka na tarar da missed call ɗin yaya Sufyan rigis ban bi ta kan su ba na kunna data kai tsaye na wuce whatsapp ɗina amma har yanzu Suraj bai maido mini da amsa ba. Zancen da wata ƙawata da muke da bambamcin addini Sonia ta fara mini ya dawo dani cikin hayyacina. "Lafiya kuwa kika zauna kika yi shuru?, ga abinci ki sauƙo mana". Dariyar dole na ƙirƙira na dasawa fuskata na ce lafiya ƙalau. Na sauƙo na fara cin abincin ba don ina jin yunwar ko don ina jin daɗin abincin a bisa harshena ba, sai don tabbatar da furucin lafiya ƙalau ɗin da na furta. Ina gama tura abincin na haye gado shaf na manta da batun ƙiran yaya Sufyan, sai da sha biyu ta gota mai lallen ta iso na ce a fara yi wa su Sonia ni sai nayi salla tukunna. Ban tashi daga kan sallayan da na sallame sallan ba na tisa wayata a gabana, ban san sanda hawaye suka fara zarya a tsakanin kuncina da tudun wuyana ba. Sai da naji hannun Sakina bisa kafaɗata. Kamar mai