*Page* 3&4.
Na dawo sanye cikin uniform dinmu tamkar na sojoji, a lokacin na zama budurwa musamman da nake da jiki, komai nawa ya bun'kasa, na dan rage 'kibar, amma 'kirjina da 'kuguna sun cika tam, fuskata ta zama ta 'yammata, haka nan hankali ya fara shiga ta.
A harabar gidan muka yi kicibus da Ya Sadiq, ya bude baki yana mamamkin irin girman da na yi, saboda tsayinmu 'daya, shi bai samu irin tsayinmu ba, Allah ne ya so shi bai yi gajartar Umma ba.
Yadda yake mini kallon na girma, ni kuma kallon mamakin yadda ya zama 'dan 'kyamo nake yi, sai dai fuskarsa ta zama matured, ya ajiye gemu da saje, wani irin siririn saurayi fari tas, ma'abocin gashi ba'ki, ga shi kuma ya zamo wani irin hadadden guy dan kwalisa, tun yana yaronsa komai sai mai tsada bare yanzu da ya girma. Idan har lissafina daidai ne, shekarunsa ashirin da biyar, yayin da nake goma sha shida, ina shirin shiga sha bakwai.
Na bu'de baki da nufin yi masa magana sai na tuna bai ta'ba kai mini ziyara ba, don haka na dauke kaina, na yi tamkar ban gan shi ba, na shige shashinmu a guje.
Ya biyo ni da sauri, ko ya tsaya ya karbi Baba da ya janyo mini jakar kayana.
A falo na tarar da Mama na rungeme ta tana fadin "Kar ki kayar da ni, sai yaushe za ki daina mini irin wannan cakumar ne?"
Kafin na ba ta amsa na jiyo muryar Ya Al'amin a kicin ai kuwa na sake bazama na yi kicin din, sai dai ina isa na ci burki ban san me yasa a wannan karon na kasa rungume shi ba, shi ma ya tsaya yana kallona, da murmushi a fuskarsa ya ce "Autar gidanmu ta girma, ta 'kara hankali".
Na bu'de baki ke nan Ya Sadik ya shigo da saurinsa, sanin na yi masa abin da baya so, na gan shi na dauke kai, shi dai ya fi son na risina na gaishe shi tsabar son girma, alhalin shi ko antin Zariya sai ya ga dama zai gaishe ta a mutunce.
A guje na 'buya a bayan Ya Al'amin ina cewa "Wayyo Mamana zo ki boye ni".
Ai kuwa ya nufo ni gadan-gadan yana cewa "Ko bayan Abba kika je sai na hukunta ki wallahi".
Haka kuwa sai da ya ba ni rankwashi masu zafi har uku, Mama kuwa fa'di take "Haba Ya Sadik daga dawowarta?
Bar ta ta ci abinci ta huta sai ku 'dora daga inda kuka tsaya tunda dai dole sai kun tsokani juna."
Ransa a 'bace ya ce "Ai daina shiga shirginta zan yi, wai ni ta kalla ta daukewa kai?"
A tunzure na ce "A kan me ba zan dauke kai ba? Yau shekarata nawa a Kaduna, har ina shirin kammalawa kowa ya je mini ban da kai, na sani ko mantawa ka yi da ni, shi yasa ni ma na mantaka, gane ka ne ban yi ba, ba wai share ka na yi ba".
Ya girgiza ya ce, "Ban zo din ba, ba kuma zan zo ba, kin zama wata gandardar da ke, ba hankali sai girma tamkar go'diya"
Cikin takaici na ce, "Tubarkallah! Kuma in sha Allah sai matarka ta fi ni gandarewa, haka za ka yi ta zu'kewa kana zama 'dan tsurut, sai ka zo kana neman ka yi 'kibar ko don ka yi kwarjini amma ba za ka samu ba".
Takaicina ya kama shi ya juya ya fice bai ce komai ba. Amma na san bai bar maganar ba.
Kai tsaye shashinsu ya nufa ya tarar da Umma da Anti Maimuna, ya wuce ba tare da ya kalli Ramla ba, bare ta ci arzikin gaisuwa. Kaf yaran Umma ba mai halayyarta irin Maimuna don haka ita ma takun sa'ka take yi da mu, duk da tana gaisawa da mu, amma dai sama-sama.
Ya fito zai shige bayan ya ce da uwarsu Baba ya aike su shi da Al'amin.
A lalace Anty Maimuna ta ce, "Ka dai ji 'butur kana rawar 'kafa da 'yan uwan wasu amma naka ko kallo ba su ishe ka ba, da ma ka daina cusa kanka wurinsu domin da abu zai taso yanzun nan za su nuna maka kai ne bare ba ka da 'dan uwa namiji abokin ha'di, mu kuma da Ubangiji Ya ba ka ka raina mu, ba don iyashegenka ba da wa zai kai ka gata? Domin duk mai 'yan uwa mata ai ya wuce kaico."
Da'di ya kama Umma tana cewa fa'da masa dai, "A ce wai ba dama na sarrafa Gudale, indai ina son zaman lafiya da shi, sai dai na bi ra'ayinsa, ya 'ki ba ni hadin kai ta yadda zai jagoranci dukiyar ubanku, ba abin da ya sani sai dai ya saka sutura mai tsada, ya kuma fesa turare, sa'a 'daya ya yarda ya yi karatun. Ki dubi yadda Abdallah ya yi kane-kane jikin Abbanku! Ki ga irin dukiyar da aka narkar a lokacin aurensa?"
Maimuna ta tabe baki tana cewa "Addu'a za mu ci gaba da yi kawai, domin ba haka suka bar shi ba."
Ya galla mata harara tare da cewa, "Ke kam kin sha haushi a ce ba ki da aiki sai 'batawa, ko kadan ba ki san gyara ba?".
Sanin halinsa na rashin kunya da tijara yasa ta yi masa tsit.
Ya fice yana ayyana shi bai ga laifi don su Al'amin sun mori Abbansu ba, asalima laifin Abban 'daya ne a wajensa ta yadda sam ba ya sakar masa mara, ya takura shi, ban don haka ba, ba ruwansa da duk wadda yake so ya yi wa alheri.
A yanzu ma takaddama suke yi, a kan ya biya masa ya wuce Europe ya yi Ph.D 'dinsa amma Abban ya kafe ba zai kai shi waje da sunan karatu ba, a yanzu ma baya ganin kowa da gashi, bare kuma ya kai shi 'kasashen da suka riki 'yanci sama da addini da kuma zumunci.
A Daren ranar dai ya shigo ya iske ni a falo na bude jakar kayana, da wadda na zubo tarkacen ragowar kayan shopping 'dina.
Ya zauna bayan ya dauki remote ya canja zuwa channel O, na kalli allon talabijin 'din wata ce take rawa tamkar ba 'kashi a jikinta, wani abin mamaki kuma ba 'yar siririya ba ce, kusan yanayinmu 'daya ga tsayi, ga kuma jiki.
Yaya Sadik ya ce, "Idan kika yi irin wannan rawar dubu ashirin zan baki."
Na murgu'da baki na ce "Me aka yi dubu ashirin kuma?
Ai na wuce ta, nan kuma ba club ba ne, sannan ba studio ka ha'da don ka yi mini 'kidan ba."
Ya kafe ni da ido, ya kasa hadiye abin da ya zo masa wuya, ya ce, "Duk duniya ba mahalu'kin da ya mini rainin da kika mini, ina fatan na samu damar da zan biyar da ke."
Na gurmu'da baki na ce "Har abada ba za ka samu wannan damar ba, idan kuwa ka samu to zan roki Ubangiji ya hana ka sakat idan ka tashi biyar da ni din. Ina kuma fatan na samu damar da zan juyaka tamkar waina a tanda".
Gabansa ya fa'di, muka kalli juna a tare, ya kasa gane mene ne dalilin jin fa'duwar gaban da ya tsinci kansa a ciki, ya sake kallona. Wani irin abu ya dirar masa, rigar da take jikina ta yi matu'kar fito da surar 'kirjina. Ya tsinci kansa cikin wani irin yanayin da yake tsintar kansa idan ya kalli 'kirjina.
Kafin mu sake magana Mama ta shigo ta ce, "Halan dai al'kawari na neman cika, yaushe rabon da na ganka a gidan nan a daidai irin wannan lokacin, ko dai Sady bon bon ta ci galaba a kanka zance ka zo?"
Ya mi'ke a zabure ya ce, "Amma Mama kin gama da ni, ni kuwa me zan yi da wannan shirgin, 'kankanuwar yarinya amma ta zama gari guda, nan gaba kuma ai ba a san me za ta zama ba".
Wani irin abu ya shige ni, na fara kokwanton ko yadda nake ganin kaina, ba haka saura mutane suke kallona ba, ko dai da gaske shirgi guda ce?
Na hadiye wannan damuwar na ce, "Allah Ya sauwake mini me zan yi da kai, d'an tsurut da kai sai fitinar tsiya, da 'din ma da nake cewa sai kai yarinta ce".
Ai kuwa ya tunkaro ni, na yun'kura na arce ko nauyin jikina ban ji ba.
Na zauna bakin gado ina haki, ina ayyana kullum na ce zan daina kula Ya Sadik ba na iyawa ana jimawa idan na gan shi zan yi masa magana.
Tun ina 'yar 'karama ta nake son Ya Sadik, domin kowa ya san shi ne saurayina, tun yana gwale ni har ya koma dukana, amma ban fasa cewar shi ne mijina ba, hatta su Abba sun sani, har tsokanar sa ake yi idan aka ji yana kushe ni, ana fa'din kada fa nan gaba wannan 'yar lukutar ta wahalar da kai, ya kuwa sha mur ya ce baya son irin wannan wasan.
Hatta Ummansa ba ta k'aunar wannan maganar, a fili take fa'da tuni ta yi masa mata, 'yar aminiyarta za ta ba shi. 'Yar masu arziki irinsu, ba irina da muke rawa da bazarsu ba, tana neman tsari da hada iri da Safiyya.
Ire ire wadannan maganganun ne yasa da na fara wayo na daina cewa shi ne mijin domin kuwa idan har Umma ta ji, to ba abin jin nauyi ba ne ta zagi Mamana a kan idona, haka Ya Al'amin bai son wannan wasan, ko da wasa bai ta'ba zolayar Sadik ba, haka nan bai ta'ba shiga sahun masu tsokana ta a kan son da nake yi wa Gudale ba, duk kuwa da matsanancin amincin da yake tsakaninsu.
Ko 'dakinsu shi ya hana ni zuwa, ban san me ya cewa Mama ba, ta hana ni duk da bai fito ya fa'di dalilinsa ba, amma na da'de da fahimtar ko ka'dan ba ya son doguwar mua'amala tana ha'da mu.
Ba na mantawa a lokacin da nake shekaru sha uku, zuwa sha hudu, a lokacin da kirjina ya fara bun'kasa ba abin da nake so irin na yi kwalliya na saka dinkin da zai nuna nima fa na zama mace, idan na yi kwalliyar kuma ba abin da nake matu'kar marari irin mu hadu da Ya Sadik, ba abin da yake sani farinciki irin na dinga zirga-zirga a gabansa, da zarar na ga Ya Al'amin ya fita to kuwa zan zari jiki na je dakin da zummar kai abinci ko yi musu shara.
Tun a lokacin na fahimci irin yadda Yaya Sadik yake shagala da kallon kirjina, cikin dabara kuma zai dan shafe ni, ko ya zaunar da ni kusa da shi, ta yadda jikinmu zai dinga gogayya, ya biye mini ina ba shi labarai marasa kan gado.
Wani lokacin tafin hannunmu yake hadewa ya dinga murzawa cikin wani irin yanayin da ban fahimta ba, ko kuma sai ya kunna mini waka wai na yi rawa ya gani ko na iya, shi yana son wacce ta iya rawa, haka zan dage na yi ta karairaya don kawai na burge shi.
Kafin na gama zan ga yana ta faman matse cinyoyinsa, idonsa kuma ya canja, a haka har Al'amin ya fahimci barnar da take neman samun muhalli a cikin gidanmu. Sai ya fara hana ni zuwan, ni kuma sai na kwashe na fa'dawa Ya Sadik, sai da Mama ta sani a daki ta mini duka, ta hana ni kuka, sannan ta hana ni zuwan.
Na nisa na ce, "Watau Yaya Sadik ya dauka har yau din nan kallon rashin hankali yake mini, anya kuwa ba ya afa 'kwaya? Ban da haka mene ne zai sa ya ce na yi rawa a gabansa a cikin falon gidanmu a gaban iyayenmu?"
Na muskuta na sani har yanzu da nake shirin kammala sakandire ina jin son sa a raina, matu'kar kuma zan hararo mijina to babu shakka Gudale ne yake zuwa mini, sai dai ina cike da fargabar yadda ya ke kushe ni, yake ganin tamkar ban kai na shiga cikin zaratan mata na kece raini ba.
Na mike na isa gaban madubi, na kalli kaina, kallo irin na tsanaki, duk da dai ban isa na jefa kaina cikin jerin matan da kyaunsu ya kai ya kawo ba, to amma kuma ba ni da makusa, musaman da na yi sa'a ina da tsayi, sannan fara ce ni tas, ga gashi sannan ga idanuwa, bayan haka ga dimples, tabbas ina da jiki, ta yadda k'irjina a cike suke dam, sannan daga kwankwasona ina da fa'di, wato dai a wannan lokacin da nake cikin shekarun budurci jikina yana da matu'kar daukar hankali duk kuwa da 'kibata.
Na yi jim ina tunanin dalilin da yasa har yau 'din nan Gudale bai daina 'kure ni da kallo ba, musamman dai 'kirjina, shin shi ma ya fara son nawa ne ko kuwa sha'awa ce kawai tunda a yanzu na fara fahimtar so da kuma sha'awa.
Ban fito daga dakin nan ba sai da na tabbatar ya fita, sannan na je na ci gaba da harha'da kayana.
Washegari na shirya tafiya gidan uwar dakina Anti Sakina da har yau 'din wani iri zumunci muke yi ni da ita, sanin kowa ne, Sakina ta daukake ni fiye da su Ramla, balle kuma Sadik da ba wani shiri suke yi ba, ko da yake shi kam da wa yake shiri ne? Gara ma da Ya Al'amin shi ma a hakan don Al'amin 'din ba mai son hayaniya ba ne, da kullum sai an raba su, saboda wuyar zamansa.
Na isa na tarar da ita a hadadden falonta tana yiwa yarta Nana kitso, tana manna mata sabulu a karshen jelar a dalilin tsantsin gashin Sakina ta 'debo.
"Oyoyo Autarmu, zancenki nake yi yanzu ina cewa bari na zo na yi miki wainar fulawa na kai miki gida, ko kin dawo da gajiya."
Na yi murmushi na zauna ina cewa, "Kullum cikin canja kaya kike, yanzu har kin sake gyara falon nan?"
Ta murmusa ta ce, "To mene ne jin da'din duniyar, idan kana da hali ka more rayuwarka, ta hanyar cin abin da kake so, da kuma mallakar abin da ya ba ka sha'awa, ka yi kyauta, ka kyautata zumunci, ka yi sadaka, shike nan fa, da ka mutu taka ta 'kare".
Na ce, "Haka ne!" ne da iyakacin gaskiyata.
Domin na shaida hakan Sakina take mai kyale-kyale ce, musamman da mijinta ya kasance mai wadata, bayan hakan kuma ma'aikaciyar lafiya ce. Tana da yawan alheri tamkar mahaifinta Abba! Sannan ma'abociyar sadaka da kyautata zumunci ce, duk kayan kwalliya da dogayen riguna na mafi yawa ita ke saya mini, ita take saya mini mayukan da suke gyara mini fata, haka nan inner wears dina asalin designers take saya mini a cewarta su ne suka fi dacewa da ni ta yadda za su kama mini jiki sosai.
Ta kalle ni da sakakkiyar fuska ta ce "Allah dai ya sa ki samu gatan da na samu, ki fara karatu kafin Abba ya bijiro da maganar aure, sai a yi ta miki kallon girma saboda yanayin jikinki".
Na mike na yi kicin ina fadin "Ai ni sai na kammala degree kafin na yi aure duka-duka fa ko sha bakwai ban yi ba".
Ta ce, "Allah ya sa dattijon namu ya yarda, ki ga ni ma fa da yadda aka yi na karatun, Abba ya daukaki aure, Baba ne ba ruwansa duk yadda ta fàdi sha ne, sai dai, shi ba ya cikin kwamitin zartarwa".
Na isa kicin ina dariyar Sakina wai baya cikin kwamitin zartarwa, tamkar da wasu mahukuntar wata ma'aikatar take. Na dawo d'auke da ruwa da lemo na zauna ina cewa, "Su waye yan kwamitin zartarwar?"
"Yaya da Abba mana!"
Ta amsa mini a ta'kaice.
Kafin na yi sallama sai ga Yaya Sadik ya shigo, ya yi sallama a 'kasan ma'koshi.
Ya zauna yana karkada 'kafa 'daya kan 'daya
"Na Moriki yau kuma abin ba ko sallama?"
Sakina ta fa'da cikin kwantar da murya.
Ya bu'de idonsa tamkar wadda ya tashi a barci ya ce, "Na yi fa, ba ki ji ba ne, ke kin ji?"
Ya mini tambayar yana dawo da idonsa gare ni.
Na girgiza kai ina cewa "Gaskiya Yaya Gudale ba ka yi ba."
"To ban yi 'din ba 'katuwar banza marar tsoron Ubangiji."
# Team Gudale
# Team Guduyo
# Surayya Dee ✍️
# Ana tare.
🌺 *SABO DA KAZA* 🌺
*NA*
*SURAYYA DAHIRU*
```{Kyakkyawan lafazi a cikin rubutu yana ɗamfare da bin ƙa'idar Adabin Hausa.```
```Lafazi gidan karamci da mutuntaka, Harshenmu abin alfaharinmu.}``` ✏️✏️✏️
____________(✪)______________
https://www.facebook.com/profile.php?id=100069755834980
•·•·•·•·•·•·•·•·•·••·•·•·•·•·•·•·••·•·•·•·•·•·•·•·•·•
*Fatan alheri ga marubuciya*
*JAMILA JANAFTY*
*BA WACCE TA KAI KI SON LABARIN SABO DA KAZA BALLE TA FIKI*
*DAN HAKA GUDUYO NA MIKI SON SO FISABIDILLAHI*.
Page 5&6.
Sakina ta zuba masa ido tana hasashen 'kanin nata, tana son tuno yaushe rabon da ta gan shi a gidanta, ta kasa tuna when last da ya zo mata. Kaso mafi yawa ta fi zaton so na yake yi, sai dai rashin alkiblarsa ya sa ba za ta yi saurin gaskatawa ba. Amma a ranta addu'a ta shiga yi, Allah ya sa hakan ta kasance domin ta riga da ta fahimci ina son shi, da zarar ya furta da gudu zan amince, duk kuwa da rashin mutuncinsa.
Ya katse tunanin Sakina da cewa, "Yanzu saboda Allah ruwa sai na ro'ka?"
Na tashi ina cewa, "Bari a kawo maka Yaya Sadik!"
Na dawo dauke da robar ruwa ta sona mai sanyi na ajiye masa ha'di da tumbler.
A lalace ya kalle ni ya ce, "Ke kam ina tausayin mijinki wallahi wanda zai kwashe ki abin a yi masa jaje ne, kin wani taho sankamkam tamkar ra'kuma".
Ba'kin cikin kalmar rakumar da ya jingina mini yasa na zauna a sanyaye, hawaye kuma ya kwace mini, abin mamaki sai ya jikinsa ya yi laushi, ina kallon yadda Sakina ta tsananta kallon mu musamman Yaya Sadik.
Tsawon lokaci ina shar'be Sakina ta 'ki yin magana, ya ja tsaki ya ce, "Ki dubi Allah Sakina! Me na yi mata da za ta dinga yin irin wannan kukan?"
Ta nisa ta ce, "Ta yi maka abin arziki, kai kuma ka zage ta?"
"Sakina ban son 'karya! Gidan uwar wa na zage ta?"
Kai tsaye ta ce, "Gidan uwarka".
Ya yi kanta tamkar zai dake ta, ko gezau ba ta yi ba. Ya tsaya yana nuna mata yatsa cikin fishi ya ce, "Kar ki yi zaton don na zo gidanki shi ne za ki zage ni, ki kwashe 'kalau".
Uffan ba ta ce masa ba, ta ci gaba da yi wa 'yarta kitso da take ta barci.
Share shi da ta yi, yasa ya koma ya zauna.
Cikin kara'di ya ce, "Guduyo kin sani ban son irin wannan iskancin, ta ya ya ke da kike yar lukuta da ya kamata ki nisanci za'ki, kin 'dauko lemo kina sha, ni kuma sai ki ba ni tsurar ruwa. Ban da rowa mene ne hakan? Na yi magana kin saka mini kuka, har wannan tana neman 'kulla munafuncin na zage ki, me na ce da yake nufin na zage ki?"
A tunzure Sakina ta ce na fuskanci a tsiyace ka zo , sai dai kar ka shiga ru'du ba gidanku na je ba, bare ka tisa ni a gaba da cin mutunci, nan gidana ne don haka ka iya harshenka".
Ya mi'ke yana cewa, "Idan ni 'dan halak ne a cikin Habu da Saude, ba za ki kuma gani na a gidanki ba, da'din abin namu gidan ba kango ko kufai ba ne".
Ya kalle ni ya ce, "Zo mu wuce na rage miki hanya".
Na galla masa harara na ce "Ina ce ba kai ka kawo ni ba?"
Ya wuce yana cewa, "Me za a yi da shiga lamarin mata, daga wacce za ta yi maka sharri, sai wacce idan ka fa'di ainihin yadda take za ta ce ka ci fuskarta, yo mene ne don na ce miki ra'kuma? Alhalin dangantakar danjuma da 'danjummai ne a tsakaninki da ita."
Muka bi shi da ido domin lamarin nasa tamkar a buge yake musamman yadda idaonsa suke tamkar mai jin barci ko wanda ya tashi a barcin.
Sakina ta kalle ni ta ce, "Iyashegensa kullum 'kara tsananta yake yi, amma ba komai ba za mu gaza da yi masa addu'a ba har Ubangiji ya amsa mana".
Na yi shiru ina jin tausayin Sakina saboda yadda take cikin bacin rai, a dalilin ba 'karamin so take yi wa 'dan uwan nata ba, amma shi ko ka'dan ba ya mata ragayya har gara ita ma a hakan a kan manyan yayun nasu.
Bai zame masa abin kaico ya ci mutunci duk wacce ta nemi yi masa fa'da irin na gyara kayanka ba. Yana isa gida kai tsaye shashinsu ya nufa, ya samu Abba a falonsa. Ya shiga ya zauna, ya gaishe da mahaifin nasa ba sukuni a tare da shi.
Ya amsa cikin kulawa.
Ya numfasa ya ce, "Abba so nake na ji me ake ciki a kan tafiyar tawa".
Abba ya ce, "Ba za ka je waje ba, idan karatun kake so ka nema a nan k'asar."
Ransa ya kai 'kololuwar baci ya ce, "Abba wai ni kam ba ni da hakki a dukiyarka ne?"
Abba ya harzuka ya ce, "Ilimin da na yi bai yi zurfin da zan gane kana da hakkin ko ba ka da shi ba, sai dai ka fahimtar da ni yanzu. Daga haihuwarka zuwa yau adadin dukiyata nawa ka lashe mini? Amma ban tsira daga ba'kin cikinka ba, shin ba ni da hakkin ka mini biyayya ne?"
Sosai ya sake daure fuska ya ce, "Tsakanina da Allah Abba na fahimci ba ka ta tawa, a kullum adawa kake da duk wani 'kudirin da zan zo gabanka da shi da zummar ka lamince mini."
"Akan me zan yi ta taka Sadik? Har yau din nan fa ban huta da yi maka hidima ba, amma ba ka gane irin kyautatawar da nake yi maka ba, yau kwana nawa ina cewa ka je ka rage wannan sumar da ka tara?
Dubi wani irin gemun rashin mutunci da ka ajiye! Tamkar wani 'dan akuya".
"Abba Sunnah ne fa!"
Ya fa'da cike da iyashege.
Ya masa da'kuwa ya ce, "Ungo naka! Wannan kam gemun raini ne ba na Sunna ba, ba za ka ji da'dina ba har sai ka yarda da ra'ayina ko da ba a ra'ayin ka ba ne, in ko ka ci gaba da yin fito na fito da ni, ni kuwa ba zan fasa nuna maka cewar ka zo duniyar nan ka same ni ne a cikin shekarun girmana, ma'ana ko da ban same ka ba, ba abin da zai shafi ni'imomin da Ubangiji ya yi mini. Uwarka ta cusa maka ra'ayin iska wai Gudale, to ina tabbatar maka a wajenta kake Gudale domin ba a kanka na samu haihuwar namiji ba, tuni da ma Ubangiji ya ba ni su da yawa, Ga su Abdallah, ga Ashir ban ta'ba kallon ka fisu ba, don haka ka ri'ke wannan".
Takaici ya kama Umma da take gefe tana kallon su, haka ma Sadik din, don haka ya mike yana cewa, "A wannan era din dai babu na biyunka. Madalla da kai Abba! Mai fifita 'ya'yan dangi akan biological son d'insa, na hakura da karatun, digiri biyun da na yi ka daure ka saka mini albarka, sannan ka mini alfarmar samo mini aikin yi, domin a yau na fahimci ya kamata na fara tsayawa on my leg, domin dukiyarka ba tawa ba ce, bal ma 'ya'yan 'yan uwanka sun fi ni dama a cikinta".
Tsoro ya kama Abba! Yana kallon Sadik yana nazartar sa, anya kuwa a she'dantarsa bai fara afa 'kwaya ba? Ya sani ba 'karamin tsoron sa yake ji ba, amma a watannin nan wani zubin yana iya zama a gabansa ya fa'di duk maganar da ta zo bakinsa babu fargaba, da za a jima kuma ko washegari sai ya ga wannan shakkar sa da yake yi ta dawo, tabbas ba zai yaudari kansa ba, tilon 'dan nasa yana shan wani abu da idan yana cikin wannan yanayin zai iya keta kowa.
"Innalillahi wa Inna ilaihi raji'un!" Abba yake ta fadi yayin da Sadik ya fice da sauri.
A fili Abba ya nisa ya ce, "Allah ka kawo mini 'dauki, Allah ka shirya mini Sadik, ka sani ban ta'ba jin rashin da'di akan 'ya'ya matan da ka ba ni ba, ban taba zakuwar sai ka ba ni namiji ba, Allah
