DR HANEEFAH

suka ga Kevin da Rohan suna shirya abinci. Haneefah ta tsaya da mamaki tana kallon Rohan tace yaushe kazo? Yace tambayi Raihana. Raihana tana dariya tace nasan da zuwan dukkanin su kawai sunce nayi shiru kada na sanar dake ne. Wannan ranar yana daga cikin ranaku da Haneefah da bazata taba mancewa ba, musamman inta tuno da yau ta kammala karatun ta, ta kasance matar YUSUF abin ba qaramin dadi yake mata ba. Yusuf duk yadda ya so su hada ido da Haneefah hakan baya yiwuwa, harya gaji ya zuba mata ido. Sun zauna cin abinci Yusuf ganinsu Umma yasa yaji bazai iya ciba, Dr Mubarak ya fahimce shi dan haka ya kalli Haneefah yace nida Yusuf, Kevin da Rohan da yayan Raihana ku kai mana daki acan zamu ci. Abba baice komai ba dan yasan dalili. Kamar yadda akace dasu haka akai, mazan suka tashi suka shiga ciki inda aka shigar musu da abinci. Haneefah tana kokarin shiga falo taga anja hannunta zuwa dakin dake dab da shigowa................ ~Bintu Ramadan~ *Dr HANEEFAH* 👩🏼67 Dedicated to Batul Mamman (Mrs)💖 Tsaban rudewa ya kasa magana, babu abinda bai mata amma ko motsawa bata yi. Cike da tashin hankali ya bude motar yazo mazaunin driver yaja ya soma tafiya. Yana tafiya yana waigawa yana kallonta. Ikon Allah kadai ya kawo shi asibiti, ko gyara parking bayyi ba ya fito ya. Dr Mubarak dake kokarin fita a asibiti yaga babu hanyar wucewa, fitowa zayyi yayi magana a gyara parking yaga Yusuf na ciro Haneefah cikin mota ko motsawa bata yi. DA sauri shima ya fito ya nufo gunsu yana tambayar lafiya? A sannan Yusuf ya bude baki yace Mubarak Haneefah ce... sai kuma yakasa cewa komai. Cikin sauri Dr Mubarak ya bashi izinin biyoshi. Tsananta bincike yayi sosai akanta, kusan awa daya yayi kafin ya gano abinda ke damunta. Tsananin mamaki ne ya cika Dr Mubarak yana kallon Haneefah da bata san inda take ba. Yana kokarin fita Haneefah ta bude ido dakyar tace na rokeka da girman Allah ya zamto lalurata sirrine tsakanina dakai, sannan ta sanar masa allurar da take amfani dashi. Shiru yayi yana kallonta baice komai ba ya fice nemo allurar. Yusuf da tunani fal yacika masa zuciya ya rasa mezayyi, yana kai komo yaga Dr Mubarak ya fiti. Da sauri ya nufi gunshi... tun kafin yace komai yace ka kwantar da hankalin ka zata samu sauki yanzu zanje siyan allurane. A hankali ya turo kofar ya shigo, hangota yayi ta dafe kasan mararta tana hawaye. Da sauri ya nufota yana mata sannu, ta kasa bude ido taganshi tsabar azaban da take ji. Yusuf ji yake tamkar ya cire ciwon ya mayar jikinsa. A hankali ya zauna gefenta yana mata sannu. Ganin ta kankame hannunsa ta fashe da kuka yayi, rungumeta yayi yace shikenan yi hakuri pls.. Dr yashigo dauke da allura yana sauri, Yusuf yace an kawo allura bari asaka miki kinji zaki samu saunki. Haneefah ko jinsu bata yi domin wannan karon har wani irin abu take ji, kuka sosai take. Yusuf ya soma gyara ta domin asa mata allurar amma gani sukai ta sake faduwa sumammiya. Saida Dr Mubarak yayi kokarin cire Yusuf kafin ya soma bata taimako. Alhamdulillah ta samu bacci, dan haka ya fito domin sanar dashi halin da take ciki. Bayan ya sanar da Yusuf yace yana zuwa ya fice. Zaune yake ya zuba mata ido, tsoro ne kodai bata da lafiya? Yana cikin tunani kiran Dr Abdullahi ya shigo wayarsa. Ganin agogo yayi karfe goma sha daya da rabi, yana dagawa yace kumin afuwa wlh ina asibiti ne bata da lafiya. Daga daya bangaren kuma Dr Abdullahi yace rashin lafiya kuma? Kuna wani asibiti? Ya sanar dashi. Cikin mintuna kalilan ya iso, ya tarar da Haneefah sai birgima da ambaton Allah take. Yusuf ya gama rudewa yana ganin kamar shine silar komai. Dr Abdullahi bayason sa hannun akan patient da bashi ya fara dubawa ba dan haka yaja da baya ya tsaya. Dukkanin wani taimako Dr Mubarak ya bawa Haneefah. Samun bacci tayi sosai domin. Dukkanin su sunyi shiru, Dr Abdullahi ya duba agogo yace nizan wuce gida, sai zuwa gobe da safe zan shigo. Yusuf baima san me suke cewa ba sai da Dr Mubarak ya tabashi sannan ya dawo hayyacinsa. Dr Mubarak yace zan tafi office inta tashi saika kirani, suka karbi number juna sukai sallama. Dab da sallar asubahi ta bude ido, a hankali zata mike taji an rikota, da sauri ta juyo tana kallonsa. Ganin rikon da yamata ne yasa yayi saurin saketa a tunaninsa wata kila tsorone yake sata sumewa. A hankali ta mike ta zauna. Ciro waya yayi ya kira Dr Mubarak yace tafarka. Ko minti biyu basuyi ba yayi sallama yashigo. Tambayoyi yake mata... ganin yayi yawa yasa ta dago idanunta ta kalli Dr Mubarak tace babu abinda nake ji gida nake son komawa yanzu. Babu yadda basuyi da ita ba amma tace ita gida zata koma. Duk yadda Dr Mubarak yaso kebewa da ita taki amincewa illacewa ta warke batajin komai. A mota babu wadda ya iya cewa junan shi komai illa Yusuf daya lura tana cije labe. Bai iya cewa komai ba ya nufe gidan Nana da ita. Suna zuwa aka soma kirayen sallar asubahi. Nana idonta biyu da babynta taji shigowar mota, ta tashi mijinta yaje ya duba kosu Haneefah ne suka zo domin hankalinta na kanta duk da mijinta ne yazo ya dauke su? Da sauri ya bude mata kofa, ta fito. A hankali take tafiya harta iso dakinta. Dakyar ta zauna bakin gado tana rera kuka. Nana da' mijinta sai Yusuf dake biye dasu har cikin dakin suka tarar ta a wannan hali. Jin shigowarsu yasa ta share hawayenta tana kokarin mikewa amma sai taji bazata iya ba. Nana tazo ta dafata tana tambayarta dama baki da lafiya? Haneefah ta gyada mata kai alamar eh, sannu suka mata. Ta gyara kwanciyarta. Yusuf da Abdullahi suka fice sallah. Tunda ta kwanta bacci sai karfe goma ta tashi, shima dakyar. Kamar kullum yau ma rama tayi sai kukan da take duk dauriyar Haneefah wannan karon ciwon daban yake. Zaune take bakin gado ya shigo cikin kananan kaya. Kallo daya ta masa ta dauke kai tare da fadin _sarki ya tabbata ga wadda yayi wannan kyakykyawar halitta_. Zama yayi kusa da ita yana kallonta, tausayinta ne ke ratsa shi. A hankali yace ya jikin naki? Ta amsa da sauki. Yace meke damunki yanzu? Tace babu komai. Mamakin raman da tayi yake. A haka Dr Mubarak yazo, yana kokarin dubata ne tace ta samu sauki. Dr Mubarak yace kinsan abinda ke damunki kike cutar da kanki? Matsayinki na wadda ya dace ki lura lafiyar kanki, mesa kikai haka Haneefah? Ganin ba magana zatayi masa ba ya tashi ya fice ranshi a bace. Yana fita ya samu Yusuf zaune a falo yayi shiru. Dr Mubarak ya zauna kan kujeran da ke kallon Yusuf yace yaushe Haneefah zata tare? Yusuf na kallon shi yace a gaskiya zuwa yanzu bamu sa lokaci ba amma inta samu sauki zamuyi magana. Dr Mubarak yace samun saukin ta na la'aka da komawarta saboda zatafi samun kulawa a hannun ka, yanzu abinda nake so kaje ka soma shiri amma kada ya dauki sati daya ko kwana biyar. Yusuf yace zanfi so nayi magana da ita domin jin ra'ayinta..... bai karasa ba Dr Mubarak yace kada ka bi ta Haneefah, kayi abinda na ce muddin baka so ta kuka samun kanta a irin wannan yana yi Cikin rashin fahimta Yusuf yace ban fahimci abinda kake nufi ba. Dr Mubarak yace baka ga yadda ta rame ba? Babu abinda take bukata kamar kasancewa tare da ita u have to do something. Ya mike tare da yi masa sallama. Yusuf yayi shiru yana tunani, tashiwa yayi ya nufi gidansu Haneefah. Kamar kullum yauma da Ahmad suka hadu. Har falo ya kaishi sannan ya shiga ciki yayiwa Abba magana. Cike da fara'a suka gaisa yana masa ya gajiya? Ya amsa da alhamdulilah. Shirun da Yusuf yayi ya tabbata akwai magana abakinsa kuma bazai wuce na tarewar sa da Haneefah ba. Kamar daga sama yaji Abba yace Alhamdulillah Haneefah dai ta komo gida lafiya, kuma kimanin wata hudu da daurin auren ku, inason ka nan da sati daya ka zo ka tafi da ita, bazan hanaka komai ba amma bana son ta wuce sati daya. Farin ciki ne ya lullubi zuciyar Yusuf ya shiga godewa Abba. Yana fita ya nufi gidan Aisha ya sanar mata, farin ciki take tayasa tace yanzu bazamuyi shagalin biki ba? Yace zaku batamin lokaci domin nafi bukatar matata. Aisha tayi dariya tace in abban Ra'ima yazo zan tambayesa sai mu je gida mu soma shirin tarban amarya amma zan sanar da salma. Yana fita ya nufi gidan su yana murnar sanar dasu abinda ya faru. Yana shiga yaga motar salma, murmushi yayi yace kinzo a daidai yar'uwa. Da sauri ya shiga falo. Ganin rahma da Umma nusaiba yayi suna zaune. ~Bintu Ramadan~ *Dr HANEEFAH* 👩🏼66 Dedicated to Batul Mamman (Mrs)💖 Shi kadai tasan zai iya aikata mata hakn. Kulle kofan yayi ya tsaya bakin ko fa yana kallonta tare da harde hannayensa a kirji. Shiru tayi ta saukar da kai kasa domin kwarjini ya mata sosai ga bala'in kunyar sa da take ji. Baice da ita komai ba yana kallon ta. Ganin shirun yayi yawa ta dago ido suka hada, fuskarsa ko murmushi babu. Tace kayi hakuri ni fa.... yace me kikamin da zaki bani hakuri? Ni kallon ki kawai nakeson yi tunda ke baki bukatar kallon mijinki. Hawayene suka taru idanunta tana kokarin zubda su ya jawota tare da rungumarta ya soma lallashin ta yace shikenan me abin kuka godewa Allah zamuyi a wannan rana. Congratulations my dearie, proud to have u in my life. Lumshe ido tayi ta kwanta a jikinsa sosai tace am sorry dear sai yau kazo min inata jiranka, i really missed u.... yayi sauri dago ta yace da gaske? Zatai magana taji Raihana na kiranta. Da sauri ya saketa ya bata hanya ta wuce yana murmushi. Bayan sun gama cin abinci Kevin ya bukaci suyi masauki a gidansa domin gidan Haneefah bazai ishe su ba. Kafin su tafi Dr Mubarak yace yana son kallon Dr Michael. Raihana tace in akan maganan aikin Haneefah ne ina son biyo ku. Mota biyu suka ciko suka nufi asibiti amma basu same shi ba, Kevin ya musu jagora zuwa gidan sa. Babban gida ne wadda yake kunshe da dukkanin abin bukatan rayuwa, duk fadin gidan Dr Michael da dan sa ne kadai ke rayuwa ciki sai masu aiki. Suna shiga yana shirin fita. Yana ganin Haneefah ya fadada murmushin sa tare da tayata murnan gama karatu. Shiga ciki yayi dasu yana cewa yanzu nake shirin tafiya. Bayan an gaisa Dr Mubarak yace kamar yadda is sanni ni yayan Haneefah, mun gode da kulawar da kuka bata har ta kaiga wannan mataki amma yanzu muna so ka sallameta a aikin ta. Da sauri Dr Michael yace dalili? Dr Mubarak yace saboda inta koma aure zatai sai dai intayi auren mijin da ta aura yana da sha'awar zuwa nan saiku sake daukan ta aiki amma in har baku sallameta ba hakan zai jawo matsalar da bazata sake zuwa ba. Dr yace bana bukatar matsalar da zai hanata zuwa, Haneefah yarinya ce karama mai kwazo ina da tabbacin ko mijinta zai barta tazo. Haneefah tace sir ina bukatar sake zuwa amma in bakai yadda yayana yace ba hakan zai kawomin matsala domin al'aldunmu daban da naku. Dakyar baturennan ya amince ya sallami Haneefah. Murna kowa yake a haka suka je gida domin sanar da Abba. Bayan sunje sun sanar da su sunyi farin ciki sosai dan haka suka soma shirin tara kayansu domin koda yaushe zasu iya suce su tashi. Gidan Kevin babba ne sosai, wadda kowa is samu daki daidai. Haneefah na makale da Umma, tana sane da Yusuf amma tasan inta koma Nigeria bazatayi cikekken sati uku a gida ba za'ace ta tare gidansa dan haka take moran umman ta son ranta. Kullum suna cikin fita su zaga iyaye guraren tarihi da ban mamaki da, sanin da Raihana da Haneefah sukayiwa London ko Dr Mubarak sai da yayi mamaki. Iyayensu sunyi farin ciki da karatun su domin babu wani abin aibu da suka aikata sai dai ma yabon yaransu da ake. Ana gobe Raihana zasu wuce Dubai Haneefah duk taji babu dadi,dukkan su suka zauna jugum sunyi shiru. Basusan ma an kwankwasa kofa ba ganin Ummi da Umma sukai. Zama sukai suna lallashin yaran nasu suka ce ai dan an rabu yau har abada suna tare. Washe gari har airport suka raka su, dukkansu suna kuka har suka rabu. Yinin ranar Haneefah taji babu dadi domin sunyi zaman amana da mutunci da Raihana, bazata taba manta ta ba. Suma suka soma shirin zuwa Nigeria. Tun tafiyar Raihana, Haneefah ta zamto abin tausayi domin bata da hira sai na Raihana. Bata iya hira da kowa sai na Raihana. *_Zumunci domin Allah ba karamin abu bane_* **** **** Misalin karfe bakwai motar su tayi parking cikin gida. Kowa na tsaye yana jiran shigiwarsu. Suna sauka a mota akayo kan Haneefah ana mata oyoyo. Itama murnan ganin yan uwanta ta rungumesu tana farin ciki. Ko zama su Dr Mubarak ba suyiba suka ce zasu wuce gida, Yusuf ma yace su sauke shi a gida. Duk hankalin Haneefah na kan Yusuf har suka fice daga gidan. Kowa na murnan zuwan ta, so da kauna annuna matashi, inna da yaranta babu magana anata hidima. Hadiza ta zo ita da ummulkhairi da kaninta sadiq, Haneefah tayi murna sosai kullum tana cikin dangi ko wayarta bata kula ta nemi sim card ba amma masoyin nata na nan cikin zuciyarta tana son kiran shi. Bayan zuwan su da kwana uku Nana ta haifi danta namiji. Ranar suna danta yaci sunan surikinta wato baban Dr Abdullahi. *** Da yamma misalin karfe hudu. Zaune take tana nazari ciwon da takeji a karkashin maranta, tunani take abinda take boyewa ya kusa bayyana amma in har yasameta wani magani zata sha? Gashi tun da tazo bata samu zama ba bale Yusuf yazo su fara maganar tarewarta ko dai yayi fishi ne? Itama bata kira shiba. Mukewa tayi ta dauki wayarta ta nufi dakin Nana, ta tarar bata nan. Daukar wayar Nana tayi ta saka lambarda kwana ki yakirata dashi ta soma kira. Zaune yake ya kurawa hoton ta ido. Yau kusan sati biyu amma ko saya basu yiba. Tunani yake yadda zai tunkareta da maganar tarewarta gashi gurin aikinsu an damesa da kira, gini ya kare.... yana cikin tunani yaji ankirashi a waya kamar bazai daga ba amma ya yadaga tare da yin shiru. Jin sallamarta yasa ya lumshe ido tare dajin wani bakon abu na ziyartan zuciyarsa. Baice da ita komai ba ta kareshi gaishe shi. Sai taji bata kyauta mishi ba tace kayi hakuri ban samu zama bane amma.... bance komai ba amma kina bani hakuri, in har kina son na hakura zan so ganin ki zuwa anjima. Shiru tayi sannan tace ina gidan Nana amma zuwa gobe zan koma gida. Yace zanzo anjima misalin karfe takwas. Katse wayar tayi jin wani abu na sokinta a ciki amma tayi shiru tana nazari. 8:00pm Duk da ciwon da take ji amma ta daure ta shirya domin tana bukatar ganin masoyinta. Wayar Nana na hannunta taji an kira, tana dagawa yace ina kofar gida ina jiran ki ya katse wayar. Mikewa tayi zata sako hijabi Nana tace gun mijin naki saikin dauki wani hijabi? Karba tayi ta mika mata gele tace kitafi da wannan. Haneefah ta karbi gelen domin bata son dogon surutu, so take taje ko gaisawa ne saita komo domin abinda takeji ya soma yawaita. Hangota yayi ta fito sanye da gele, kasancewar gurin da haske ya kare mata kallo, light makeup tayi. Ganin zata koma yasa ya hasko mata huta tare da kashe wa a lokaci daya kasancewar inda yake da duhu. Haneefah ta nufo inda yake zata bude kofar gaba taga an bude kofar baya. A sanyaye ta shigo ta rufe motar. Shiru yayi yana kallonta Dakyar tace dashi ina fata ka yini lafiya? Lafiya ya amsa. Yadda ya amsa yasa ta dago ido tana kallon shi, wannan karon ba ita yake kallo ba alamun kamar yana fishi da ita. Kokarin bude motar ta fita ya kulle motar da remote dake hannunsa. Juyowa tayi tana kallonsa shima kallonta yake. Yace, ban samu ganinki ba tun da muka zo, baki kirani ba yanzu da kuka zo ko minti goma bakiyi ba zaki koma? Ta sunkuyar da kanta, kamo hannunta yayi yace yanzu kin zama matata, kin gama makaranta ya dace ace mun fara maganan tarewarmu..... kayi hakuri ba laifi bane tana magana tana kokarin kwace hannunta Shima yace in kina son na hakura bani minti biyar zan hakura.... kafin tace wani abu ya dora bakinsa kan nata, kuka ta saka marar sauti, saida taji ya saka hannayensa cikin riganta ta soma kuka. Kokarin zuge zif na rigarta yake cikin kuka tace dan Allah kayi hakuri zan koma gida.. baice da ita komai ba yarungumeta tareda mata rada a kunne yace saikin amince nan da kwana uku zamu tare inba haka ba bazan kyale kiba. A tsorace ta tureshi tace nidai kai hakuri... sake rufe mata baki yayi da nashi.... wasa sosai yake da ita bai ankara ba yaga ta fadi jikinsa sumammiya. Shima a tsorace ya dagota amma yaganta ta koma, yace shikenan na kyaleki tashi Haneefah... dagota yake amma sai yaga ko motsawa bata yi. ~Bintu Ramadan~ *Dr HANEEFAH* 👩🏼69 Dedicated to Batul Mamman (Mrs)💖 Tana cikin wannan hali taji ana konkosa kofar falo. Shiru tayi domin Yusuf yace kada ta bude kofa sai ta tabbar wanene.Tsorone ya lullubeta ta zo daf da kofar tana tambayar wanene? Yusuf yace nine. Jin muryarsa yasa ta bude kofar da sauri, tana budewa ta rungumesa tare da fashewa da kuka tana cewa ina ka tsaya inata jiranka.Kamshin turarenta ya bugi hancinsa ya shaka tare da lumshe ido yace yi hakuri dearie motatane ta baci ko gyarawa ban samu ba. Rungumeta sosai yayi yace sorry nabarki ke daya ko, gani nazo bazan kuma ba. Rungume da ita yashigo ya rufe kofa. Har bedroom suka je a haka. Saida suka zauna bakin gado yake kallonta. Kura mata ido yayi tamkar zai maidata ciki ya nemi gajiyan da ya dauko ya rasa. Ita kuma ta tashi tashiga bandaki hada masa ruwan wanka. Duk motsinta yana kallonta har tazo ta soma taya shi rage kayan jikin shi. Kasa hakura yayi yajawota jikinsa yana shakar kamshin jikinta yace kullum kara kyau kike. Kwanciya tayi jikinsa cike da shagwaba tace aika fini kyau... bata karasa ba taji ya kwantar ta kan gado. Ganin abinda yake shirin yi tace pls ka tashi na hada maka ruwa Da sauri yace pls dear yau zaki tayani? Zaro ido tayi ya tashi yana yar dariya yace matsoraciya kada yauma ki sumemin. Yana shiga ta tashi ta ciro masa kayan da zaisa ta dauki nata ta nufi dakinta dashi. Bayan ta fito daga wanka ta shirya tsaf cikin nighty daya tsaya mata iya gwiwa. Ta kama kanta da ta fashe jikinta da turaruka ta fito. Zaune ta samesa ya shirya yana amfani da laptop. Tunda ta shigo ya kura mata ido, ya rasa ya zayyi ga abinda yake ji cikin zuciyrsa. A hankali ta'iso tace dare nayi yakamata kaci abinci. Babu musu ya taso suka nufi dinning table. Bayan sun gama cin abinci ta fara hamman bacci. Suka kashe komai suka nufi bedroom. Kwance take a girjinsa tana kokarin bacci, yana shafa bayanta a hanakali har ya sauko da kanshi daidai fuskarta yace pls dearie yau kada ki suma. Yadda yayi magana harta ji tausayinsa amma tace ka gaji sosai bacci kake ji ka kwanta kayi baccin ka. Ganin bazai samu hadin kai ba yasa ya lumshe ido amma ya qara budewa a hankali yace pls dear watan mu biyarfa nayi kokari ai. Tsananin tsorone yasa tajuyar da kanta bangare daya. Tanaji yana mata magana amma tayi shiru kamar mai bacci, shima shiru yayi yana cije lebe. Tabbas Yusuf yayi kokari amma tsoro take ji. Gabanta ne ya fadi data tuno tsinuwar mala'iku ga matar da taki amincewa da mijinta. A hanakali ta juyo da kanta ta kwanta a kirjinsa, rungumota yayi sosai a hankali tace tsoro nake ji. Shi kuma yace shikenan kiyi baccin ki, ke kadai nake bukata gashi nasameki. Cikin sanyin murya tace na amince. A hankali ya dagota suna fuskantar juna yace kin amincemin? Gyada kanta tayi alamar eh tana kokarin hawaye. Bai kara ko second daya ba ya soma mata salon da ta mance wani duniya take. ** Bayan ya fito daga wanka ya nufi gurinta tare da taimaka mata suka nufi banda ki, kin amincewa tayi ya mata wanka dolensa ya kyaleta ya fito. Mamaki ne ya cika shi abinda ya gani, da sauri ya canza bedsheet din ya gyara, tana fitowa ta nemi magani ya kawo mata tasha sannan ta kwanta. Bacci take hankalinta a kwance. Shiko ogan sakata agaba yayi yana kallonta, tsananin kaunarta ne ke fizgeshi musamman inya tuno a wanni da suka gabata. Tashiwa yayi ya soma nafilfilu tare da nuna farin ciki da godiya Allah daya mallaka masa wannan baiwar tasa. Dakyar ta tashi sallar asubah, domin ya zame mata jiki bata taba barin wannan lokaci ya wuceta sai rashin lafiya mai tsanani ko tasha magani mai karfi. Tana idarwa ta koma bacci, shima yana zuwa daga masallaci ya kwanta rungume da Haneefah. Kusan karfe tara da rabi ta tashi, ita kadai ta gani hakan na nufin yana falo. Daurewa tayi ta mike tashiga toilet. Ta sake hada ruwan zafi ta shiga ta zauna sannan ta tashi tayi wanka. Daure take da towel tana nazarin kayan da zata saka domin bazata irin na jiya ba duk shi yaja mata. Riga mai dogon hannu zuwa gwiwa da dogon wando ta nemo, duk cikin kayan shine mai dama dama, ta dauki hula ta saka. Ta feshe jikinta da turare tare da shafa powder da man baki. Gani tayi light makeup din ma ya canzata, tana shirin fita shi kuma yana shigowa. Da sauri zata koma yayi saurin jawota ta fada jikinsa. Daukarta yayi sai kan gado, tsoro ya dada lullubeta kada ayi gidan jiya. Kamar yasan me take tunani ya kwantarta a hankali yayi kissing nagoshinta, babu shiri tace pls kayi hakuri bani da lafiya. Cike da tsokana yace warkewa zakiyi da zarar' na mik.... mikewa tayi tana kokarin boye kanta cikin kirjinsa. Murmushi yayi yana shafa bayanta tare da cewa wasa nake miki, ina fata kin tashi lfy? Kunya ya lullubeta tace ina kwana? Ya amsa cike da farin ciki ya mata ya jiki? Shiru tayi tare da yin lamo a kirjinsa. Lumshe ido yayi, yana matukar jin dadi aduk lokacin da takasance a kirjinsa. A hankali yace nagode Haneefah, a kullum ke dabance, a kullum salon ki kara yawaita soyayyarki da kimarki yake aguri, all these years u keep ur self for me? Nayi sa'a a duniya tabbas dukkanin wani bawa daya fawwala komai nasa a hannun Allah alkhairi na biye da lamarinsa. Haneefah tace tabbas maganan ka haka yake, nasan zamu sake kasancewa domin inada yakinin Allah maji rokon bayin sane, ta dago a hankali tana kallon shi. Kama hannuwansa tayi tace ni nasan nayi dacen miji, mai so na, wadda yake gudun bacin raina, wadda ra'ayinmu yazo daya tabbas nina kasance mai sa'a Lallausan murmushi ya sakar mata yace me kike so a duniyar nan? Itama murmushi tayi tace kulawarka kadai nake bukata. Rungumeta yayi yace kin samu. Jinsu suke tamkar su hadiye juna tsabar SO. Zaune suke kan dinning table suna breakfast amma taji bata kaunar zaman ma. Daurewa tayi suka karasa. A tare sukai komai, zaune suke taji ya kira office ya dauki excuse bazai samu shigiwa ba madam nashi bata da lafiya. Haneefah taji dadin haka, a haka har bacci ya sace ta. Shiya kaita bedroom ya kwantar da ita. Yusuf kallon Haneefah baya isarsa. Haka yakasance cikin jinyarta. **** Rayuwa ya dawowa masoya biyu sabuwa fil, Haneefah ta kauda kunya tana nunawa mijinta kulawa haka shima, ya bata dukkanin lokacinsa da kulawa, komai nasa Haneefah. Zaman lafiya ke wakana tsakanin Umma da Inna haka yaranma kansu a hade. Babu wadda yakai Momy ji da Haneefah, haka ga family gaba daya kowa Haneefah. Burin Haneefah ya cika tsakaninsu lafiya da kowa hakan na mata dadi sosai sai dai haryanzu