DR HANEEFAH

tafiya harta iso gurin rike da hannun Raihana. Aunty Muhibbat tace duk irin wannan kwalliyar saida kika dauki gyale? Hadiza tace ai gonda da kika dauka saboda yadda ake kallonta da gyale ma. Anan Haneefah idonta ya fara kallon jama'a saboda a tunanin ta kallon Raihana ake. Sai taji kunya duk ya lullubeta. Bayan sun shiga sun zauna aka bude taro da addu'a tare da kiran kanin anko ya gabatar da yayansa tare da fadin takaitattcen tarihi akanshi. Bata Ankara ba taji ankira sunanta. Kamar bazata tashi ba sai kuma ta tuna Nana ce fa, ta tashi rike da hannun ummulkhairi. Bayan ta gaisar da kowa tagabatar musu da takaitaccen tarihin Nana, sannan ta kara da cewa Allah basu zaman lafiya, babu wadda bata birge ba yadda ta tsara maganar tamkar tana kallo ne. Zamanta keda wuya aka kunna waqa, khalifa yazo ya zauna kusa da ita yace kin birge fa, bani wannan yartaki in rike ta. Ya karbi ummulkhairi yace tashi kice ki watsa musu naira kin wani zauna anan, ya matso kusa da kannenta yace muna so mu aurar dake tashi ko zakiyi kasuwa. Haneefah tace ai banyi kwantai ba haka ba, kuma ni banga..... shiru tayi ganin su Aunty na shiga filin rawa. Babu yadda ba'ayi da itaba amma taki shiga, a hankali ta tashi ta fara gaisawa da yan uwa, kowa yana mata fatan alkhairi a karatun ta. Tazo zata wuce gurin zamanta khalifa ya ja hannunta suka shiga, bata ankara ba taji an soma yi mata ruwan kudi, duk yadda taso fita sunki hanata haka ta hakura tana dan takawa. Yadda sukaga ana rubibi akan Haneefah yasa suka kyaleta ta fita taje ta zauna. Zaune take rungume da ummulkhairi suna kallon yadda party yake gudana. Haneefah tace lallai anayinta, kusan yan matan gurin kaf babu lullubi ajikinsu saika rasa banbanta wanene matan aure cikinsu. Tananan zaune har lokacin da Hadiza tace da ita za'a fara rabon abubuwa ta tashi su fara. Duk inda tayi ummulkhairi na makale da ita hakan yasa wadannan da basusanta ba suke zatan ko diyartane. Tazo kan wata kawar Nana na hannunta ya qare dan haka ta fita domin dauko wasu cikin mota. Tafiya take cikin rashin sani tsantsin tiles da ruwa yazube ya dauketa, da hanzari Ahmad yazo ya riketa yana mata sannu. Hannunta ya rike har suka zo inda aunty Muhibbat take. Aunty Muhibbat tace ai duk sa idon abokannan nakune yasa taso faduwa. Ahmad yayi dariya yasa hannu yana gyara mata cap nata daya kusa faduwa, garin gyara ya fadi gashinta suka kwance. Haneefah takaici yacika tace sakeni na gyara kayana. Yasa hannu ya karbi ummulkhairi ta soma gyara cap dinta. Tun saukarta cikin mota ya kura mata ido, shin itace ko mai kamarta? Saida ya shiga yaga Nana ce amarya ya tabbata Haneefah ce toh amma aina ta samu yarinya? Gabansa ne ya fadi daya tuno kardai aure tayi? Take ya nemi hankalinsa ya rasa. Dakyar yake iya gaisawa da abokanan sa, babu abinda yake sai kallonta. Yadda take magana cikin kwarewa da nutsuwa cikin harshen turanci ne abin ya dada basa mamaki, tuna kalamanta yayi inda take cewa_aini yaren naku ne ban iya ba. Yusuf yace wanne? Haneefah tace turanci_ tabbas yasan Haneefah bata kware ba amma aina ta koyo? Sanda ya ganta cikin filin rawa jama'a na mata kari sai yaji wani abu ya tokare masa makoshi. Sai yaji tamkar ya tashi ya fizgota ya fitar da ita cikin filin. Amma shi kam bai yarda da wannan yarinyar da ke makale da ita. Yana son yi mata magana amma yana tuno da Momy, amma wannan karon saiya mata magana kodaa gaisuwane. Ganin ta fita ne shima ya tashi ya bita a baya. ~Bintu Ramadan~ *Dr HANEEFAH* 👩🏼44 Dedicated to Batul Mamman (Mrs)💖 Aunty Muhibbat ce tagansa tsaye ya kura mata ido, neman abinda zai kawar da hankalinta Haneefah take, sai ko ga kawar Nana ta fito zata tafi ta nufo inda suke tace Haneefah dama kinyi aure harkin haihu baki gaya mana ba, aiko Nana bata gari a lokacin yakamata ki sanar damu? Haneefah tayi dariya zatai magana Aunty Muhibbat ta amshe da cewa kinsan auren yazo a kurarren lokacine kuma yanzu bata kasarnan da zama ba anan ta haihu. Haneefah ko sai murmushi take. Allah raya, Nana ma Allah basu zaman lafiya, dukkaninsu suka amsa da ameen. Neman tsayawa yake amma yagagara, a hankali ya soma tafiya har yaje ya zamu bakin fulawowi ya zauna duk da duhun gurin. Idanunsa sun kada sunyi ja zuciyarsa na masa kuna _Allahumma ajirni fii musibati wakhlifni khairan minna_ ya samo ambata, tunaninsa sun tsaya cak! Aunty Muhibbat ta samu abinda take so, tace da Haneefah ina zuwa. Tarar dashi tayi a zaune ya dafe kansa da hannuwansa, kwarai ta tausaya masa domin tasan tunanin yar uwarta yake amma inba haka tayi ba hankalin Haneefah zai tashi. Ko agaba ina gargadinka daka fita harkan Haneefah domin yanzu matar aurece hankalinta ya kwanta. Haneefah tayi maka afuwan dukkanin abinda ka aikata agareka amma kasani wannan karon yarda ka mata magana har mijinta yaganta, muddin ka bata mata aure toh wallahi bazamu yafe maka ba cewar aunty muhibbat, bata jira cewarsa ba tajuya ta fice. Gurin haneefah ta nufo, taja hannun Haneefah suka koma ciki. Suka tarar ana dauka hotuna, Haneefah ja da baya tayi ta zauna. Azuciyarta tace kana ina Yusuf? Rungume kake da danka niko gani inata tunanin ka. Hawaye take kokarin zubar wa amma ta maidasu. Raihana ce ta dafa kafadarta yace a duk sanda na ganki kina tunaninsa nakan gane ki, mesa bazaki bawa yayarki daman tayata farin ciki ba, wannan taron duk saboda ita akai amma saiki ware kanki kinzo kina tunanin wani? Kina tsammanin zata ji dadi? Batace da ita komai ba ta kamo hannun Raihana suka nufo inda amarya take suka soma dauka hoto. Raihana cikin zuciyarta tace ur so special Haneefah, kinajin magana koda bakiso shisa duk yayunki suke sonki. Tashiwa yayi yashiga mota. Ikon Allah kadai ya kaishi gida. Bangarensa ya wuce kai tsaye cikin kunar rai. Kan gado ya kwanta ya soma zuba da hawaye. Wannan karon ya kasa controlling kanshi, ya tashi zaune, ji yake kamar ya cire zuciyar ya jefar ya huta. Momy jin yadda Yusuf yashigo yasan babu lafiya, dan haka da sauri ta tashi ta nufi bangaren sa. Kuka tarar yake, cike da tashin hankali ta iso gare sa tana lafiya Yusuf? Meke faruwa? Tazo ta zauna kusa dashi Ganin Momy ya sake fashewa da kuka yana cewa Momy tayi aure harda yarta, nashiga uku Momy kullum sonta yana qaruwa cikin zuciyata bansan mezanyi na manta da ita ba. Ba bakin cikin auren ta nake ba hasalima ina taya mijinta murnan samun mace kamar ta amma bansan ya zanyi da sonta ba. Ya qara fashewa da kuka Momy dauriya tayi tace nasan da auranta domin nima naje sasanta sakaninku naji tayi aure, ban maka adalci arayuwarka dana rabaka da ita ba, ban kyauta ba. Nayi dama ka yafemin Yusuf, nakasance uwa maisa ido kan rayuwar yaransu bansan me kamin dazan saka maka da haka ba.... jin yayi shiru yasa ta kira sunan shi amma kafin ma ta taba shi ya fadi sumamme. Momy tace nashiga uku Yusuf!! Amma ko motsawa bayayi, cikin sauri Abba dake tsaye a kofar ya shigo yace Yusuf? Amma ko motsi bayayi Abba ya juya yana kallon Momy yace duk abinda yasamu dana saina dauki mataki. Kwantar dashi sukai kan gado Abba ya dauki ruwa a fridge ya yayyafa mishi. Ajiyar zuciya Yusuf yayi ya bude ido. Momy cikin kuka tace dan Allah ka daina damin kanka kada ka jawowa kanka ciwo kaga plss. Murmushi Yusuf yayi yace Momy komai ya wuce ki tayani da addu'a. Abba ya soma fada Yusuf yace Abba yariga ya wuce, nabarwa Allah komai, nasan yana jina kuma yana ganina, shi maijin qaine, mai tausaya wa inada tabbacin hakan alkhairi ne agareni. Momy kusan sha biyu tabar dakin nasa. Kukan zuciya ya zauna, ganin abin ba na dinawa bane ya tashi ya fara nafilfilu. Haka abin yakasance wa Haneefah, kowa yayi bacci amma banda ita, shikenan yanzu babu ita babu Yusuf! A wannan dare ta soma addu'ar Allah bata miji nagari ya azurta rayuwar Yusuf da farin ciki mai dorewa. Washe gari walima. Misalin karfe tara Amal ta shigo tace da Haneefah Dr Mubarak yazo yana falon Abba. Tsaki tayi tace ina zuwa. Zaune ta tadda shi, bayan sun gaisa bai bari yace komai ba tace dan Allah Dr kayi hakuri, kabari Inna qarasa karatuna sai mu dakko maganar domin kasan yanzu ina final year. Dr Mubarak ya gama nazarinta yace toh shikenan Allah kaimu, amma zaki rika surarata ko? Haneefah tace aa. Ganin zai takura mata tace ni Dr kawai kayi hakuri ta tashi ta fice. Dr yace bazanyi hakuri ba, sai nasan yadda zan bullo miki, ko ban aureki yanzu ba inada tabbacin nine mijinki ya tashi ya fice. Sanye take da habaya baki tana tuki zuwa gidan aunty humaira, zata je ta dauko snacks. Bayan ta sauka ta kulle motar ta fito taga wani mota gaban nata mai bala'in kyau, kallon motar take har tashiga gidan. Mai gadine ya taimaka ta fito da su ta bude boot suka aje. Aunty humaira tace sai anjima zamu zo saboda akwai sauran ayyuka daban kammalaba. Ta fito tana takawa a hankali har zuwa bakin mota. Har zata shiga motar ta ta juya zata qara kallon motar domin ta mata kyau, Dammm! Taji gabanta ya fadi ganin sa a tsaye waya makale a kunnensa. Shima abinda ya faru dashi kenan, yakasa ci gaba da wayar. Kallonta yake tamkar bazai daina ba. A hankali yazo gabanta yana kallonta yace HANEEFAH! ~Bintu Ramadan~ *Dr HANEEFAH* 👩🏼47 Dedicated to Batul Mamman (Mrs)💖 Haneefah ta nunata yatsa tace wlh kika kuskura kika qara jefa ta da kalmar rashin kunya sai kinga abinda zan miki, in kina yiwa wasu suna kyaleki amma ni baki isa ba. Wani likitane ya fito yace meke faruwa? Nan likitar ta fashe da kuka tace marina tayi kuna banyi komai ba. Likitan ya zaro idanu yace mari? Ya matso kusa da Haneefah yace mesa kika mareta? Kinsan ita wacece? Haneefah ba wannan yakamata ka tambayeni ba, tambayata zakai menene dalilin marin. Na mareta ne saboda ta kiramin mahaifiya KE, yanzu kai in akaiwa mahaifiyarka haka meza kai? Shiru yayi yana kallon Haneefah. Haneefah tace bata san aikin ta ba, domin a tsarin kwantar da hankalinsu yakamata tayi ba rashin kunya ko isaba da gadara ba, gadaranki kinyi karatu kin zama likita amma ke ba komai bane tunda baki iya treating mutane ba... Jin muryar Dr Mubarak tayi yace meke faruwa anan? Likitar cikin kuka tace marina tayi. Dr Mubarak yace me kikai har aka mareki? Kada ku tara mana jama'a ku sameni a office. Da sauri Haneefah tace ina da patient zan iya shiga in dubata. Dr Mubarak yace zaki iya shiga. Da sauri ta shiga labour room, ta tarar Aisha na fama. Bazata manta fuskarta ba. Da sauri ta nufota ta kama hannuwan ta tana mata sannu. Su Momy ikon Allah suka tsaya gani, tabbas wannan Haneefah ne. Ita salma bata taba ganinta ba dan haka bata ganeta ba. Aisha ta kalli Haneefah tace mutuwa zanyi, dan Allah ki kiramin Momy. Haneefah tace bazaki mutu ba kirika ambaton Allah, zaki sauka lafiya. A hankali Haneefah ta fara duba matsalarta, nan ta gano kwanciyar yaronne ba daidai ba, a hankali ta gyara kwanciyar sannan ta kara ta, cikin taimakon Allah ta haihu kyakykyawar yarinya fara tas. Mikawa nurses din tayi suka amsa domin gyara ta. Ita ta gyara Aisha ta kaita bed rest sannan ta fice. Neman kaucewa su Momy take amma saida suka ganota. Salma ce ta tare ta tare da tambayarta ya ake ciki? Haneefah tace ta sauka lafiya, ta haihu mace duk suna lafiya yanzu zanje in karbo allura ne ina sauri. Ta saci kallon Momy ta lura duk kunya ta lullubeta, wucewa tayi abinda. Hadiza da take jiranta bakin kofa ta jawo hannunta tace Haneefah ina ke ina kaiga marin yar commissioner? Haka fa take da wulaqanci. Haneefah tace ni nunamin office din Dr Mubarak inje in qara mata marin. Hadiza ta zaro ido tace wato hanyarzu akwai sauran halayyarki da baki daina ba, kina da saurin hannu yakamata ki daina. Dai-dai suka shigo office din Dr. Zaune ta same su ,itama ta nemi guri ta zauna. Haneefah ne ta soma magana, labayar mishi abinda ya faru tayi sannan ta qara da cewa babu ta riga ta haihu. Cike da mamaki suke tambayarta ta haihu? Haneefah tace ai gaggawar kune yasa kuke ganin sai CS, yaron breach yake in kuka gyara kwanciyar kuka dan karata kasancewar primi ce zata haihu, sannan yadda kike tsawatar da relative na patient bai kamata ba, wannan ilmin da kika samu ko kinsan Allah ne ya zabe ki amma kike wulaqanta bayin sa, sam dan Adam bai kamaci wulakanci ba, koki dauka maganar da nagaya miki ko kada ki dauka wallahi kika kuma wulakanta wani har raina ya baci mari kam zaki sha. Murmushi Dr yayi ya kalli Haneefah yace am proud of u, Allah albarkaci karatun ki, ke kuma suwaiba ki daina ta kama da komai dan cikin qanqanin lokaci zaki rasa komai ki koma ba komai ba, dan haka wulaqanci babu kyau Allah kyauta. Jikinta yayi sanyi, a hankali ta dubi Haneefah ta bata hakuri. Murmushi tayi tace ba komai. Dukkansu suka mike dan zasu fita taji muryarsa yace ki tsaya inason magana dake. Kamar bazata juyo ba sai kuma ta koma ta zauna. Azuciyarta tace wannan karon ka daukomin maganan SO ko AURE saina baka mamaki... Katse mata tunani yayi da cewa yaushe zaki koma? Tace jibi zan koma ta bashi amsa kai tsaye. Shine bazakije gaida Ramlat ba? Yanzu nake son tafiya inna fita daga asibitinnan. Murmushi yayi ganin yadda take bashi amsa a takaice yace ina fata bakya kula kowa domin nariga kowa duk wadda kika saurarama bata lokacinsu suke domin nizan aure ki. Murmushi Haneefah tayi sannan tace yanzu kai aurene kake son yi? Baka tunanin rashin dacewar hakan? Duk abinda kukai min da matar ka sakayyar da zan mata kenan? Ka manta irin son da kakewa matar ka, kai da ba kinka kake cewa bazaka iya yi mata kishiya ba! Waiku mesa kuke haka ne, in kunsan bazaku iya rayuwa da mace daya na mesa kuke sawa matayen naku arai, ina so yazamo lokaci na karshe da zaka furtamin wannan kalmar aure domin saboda ni bazan lamunci bacin ran matar ka da ta daukeni tamkar yar'uwarta ba kaima na dauke ka tamkar yayanane... Bata qarasa ba taji ance kada ki hana aikata alkhairi dan farin cikin wani.. tashiwa tayi tsaye ganin Barrister Ramlat. A hankali ta shigo ta zauna kujerar da ke fuskantar Haneefah tace zauna ya kika tsaya? Jiki a sanye Haneefah ta zauna tare da sunkuyar da kai. Barrister tace tabbas nasan mijina yana so na, kuma munyi zama na amana dashi, bai taba nunamin qin abinda nakeso ba don haka dama ne tazomin tazan barsa yayi abinda yake so. Nasan dalilin da yasa yafara sonki har yake sha'awar aurenki, Haneefah ke yarinya ce mai saurin shiga rai, kinsan yadda zaki bi da mutum ku zauna lafiya kuma akwai abinda baki sani ba, kin zabi rayuwa bisa tsarin addini sannan kika samu karbuwa gurin mahaliccin ki Duk bawa daya kasance mai tsantsar biyayya ga mahaliccin sa babu shakka zai kasance cikin bayin Allah da yake alfahari dasu musamman bayin Allah masu tsananin hakuri da wadadanda rayuwar duniya bata gabansu, lokacin da Allah ya so bawansa zai kira mala'ika jibril yace ka shaida na so bawana WANE, sannan mala'ika jibril zai sauko zuwa sama ta farko yace da sauran mala'iku ku shaida Allah ya so bawan sa WANE haka zai rika sanar da sauran mala'iku har zuwa sama na bakwai, a sannan za'a sauko da soyayyar da wannan bawa zuwa doron kasa, sai kiji jama'a suna son bawan Allah. Ba komai ke jawo haka ba sai tsantsar ibada, sbd haka bazanyi mamaki son da mijina ke miki ba, amincewarsa amincewata ne. ~Bintu Ramadan~ *Dr HANEEFAH* 👩🏼46 Dedicated to Batul Mamman (Mrs)💖 Shiru Raihana tayi tana kallonta. Ganin kallon yayi yawane tace ciwon ya kusa tashiwa nafarajin alamu, alluran kadai zai iya controlling yanzu babu shi. Raihana tace inka zo nan da zama fa? Haneefah tace kafin ma zanyi aure. Bude baki Raihana tayi tana kallon Haneefah tace yau da kanki kike furta hakan? Haneefah ta daga mata gira alamar eh. Tashiga bayi ta wanke fuskarta ta dan shafa powder suka fito. An watse taro cike da dadin rai. Da dare Haneefah take sanar dasu kiran gaggawa ake musu a makaranta dan haka ko sati bazata kuma anan garin ba. Kowa baiji dadin hakan ba amma suna mata addu'a Allah sa nanda shekara ta dawo cikinsu lfy. Washe gari aka daura auran Dr Nana khadija da Dr Abdullah. Yan uwa da abokan arziki sun shaida auren sanna ana taya wadannan ma'aurata murna. Haneefah ba'a samu zama ba domin tana tare da Nana tana serving kawayenta. Barrister Ramla ma ta dawo, ta samu karbuwa hannu biyu a sannan Haneefah take bata hakuri amma ta mata alkawarin zata je mata kafin ta koma. Da dare akazo aka dauki amarya zuwa tsararren gidanta da duk wadda yagani koda makiyine bai isa ya kushe ba. Washe gari akai yini nan akabar amarya ita daya. Haneefah ta soma yiwa jama'a sallama. Hadiza tana wajen aiki Haneefah takirata a waya take ce mata tana hanyan zuwa gurinta domin zibi zata wuce London. A harabar asibiti tazo ta dauketa zuwa dakin hutawan nurses, nan ta hadu da wata colleague nasu suka gaisa tace Haneefah kema naji labarin auren ki bayyu ba, am sorry inshaa Allah zaki samu wadda yafishi, ke ai kina karatu ma kada ki damu zaki zamo wani abu da har sayyayi nadamar barin irin ki. Koni nan kin ganni bana kula kowa sai na zamo wani abu ta fanni likitanci. Haneefah tayi murmushi tace muna damuwa da yanda za ayi mukai Matsayin da za a kira mu da sunaye masu daraja a duniya... Professor, Engineer, lawyer, likita dss.. Amma me muke yi saboda mallakar sunayen matsayi a lahira? Me azumi, me tsayuwan dare, me taqwa? Wannan tambayan na bukatar tunani. Idan ya kasance kana rayuwa ba tare da yin sunno ni ba, ba wutiri ba sallar walha, ba karatun Qurani, ba azkar, ba azumin litinin bare na Alhamis, ba ka wani aiki da kake fatan ya amfane ka gobe Qiyama. To kada kayi mamaki idan ka rasa nitsuwa a nan duniya. Kuma kada kayi mamaki idan ka ta shi kaga ba kada komai gobe qiyama. Kana gani ana kiran mutane, wannan ya shiga aljannah ta kofar ma su azumi, wannan ta masallata, zumunci, jihad dss. Uwaisul Qarni (Rahimahullah) yana cewa : "Da ace mutun zai kama hanyan haduwa da abokan gaba... Sai rigar yakinsa ta masa nauyi ya cire ta a hanya, takwabinsa ta masa nauyi ya jefar, guzurinsa su masa nauyi ya tafi ya barsu. Kawai sai ya hadu da abokan gaba, ba komi a tare dashi. Yaya za ayi yayi nasara a kansu??? Kamar hakane wanda zikiri ya masa nauyi yabarta, sunnoni suka masa nauyi ya kyale su, yin farillai akan lokaci suka masa nauyi yake jinkirta su... Kuma wai a haka yana kukan halin kunci na rayuwa dayake ciki... Shai'dan ya zama shi ke hukunta zuciyarsa. Miskiynnn! Ya halaka kansa tun kan abokan gaba su halaka shi" Misalin wanda ba ya shirya ma lahira kenan. Abokin gabansa (wuta) na jiransa a lahira, ga kuma maganinta atare dashi anan duniya (ibadu da halin kirki) In suka masa nauyi anan ya watsar... ya san sauran. Dan uwan Iman... Ka yawaita tuna fadin Allah (Kaico na! Da na gabatarda aikin kwarai domin rayuwata) Ayar za take tuna maka cewa rayuwar duniya ba rayuwa bace. Rayuwan nan dai da kake mantawa dauwamammiya. Lahira ba... Abinda nake bance karatu babu kyau ba amma yadda muke fifita muzamo wani abu a duniyarne akwai takaici Allah yasa mu dace. A sanyaye suka amsa da ameen. Kawar tasu tace gashi shekaru sai qara yawa suke mazan ma ba wani son manya suke soba, da zarar kin wuce shekaru ishirin shikenan an dainayi dake. Haneefah tace inji wa? Saidai baki killace kanki ba, aure lokacine yan uwa mudaina sa irin wadannan tunani a zukatanmu, yanzu ke nawa muke da zamu damu kanmu shekara ishirin da uku zuwa hudu nefa! Ga yayata satin da ya wuce aka daura aurenta, abin yarda da Allah kawai, wasu basa aure da wuri saboda hakan yafi musu alkhairi, wani auren gomma babu tsabar wahala. Dan haka ki kwantar da hankalin ki komai lokacine. Nan suka ci gaba da hiran su. Haneefah ta kalli agogon hannunta tace zan wuce domin guraren zuwana dayawa yake. Hadiza bataji dadin hakan ba amma dolene yasa zasu rabu. Tafiya suke har suka zo daidai labour ward. Daidai sunzo wucewa idanun Haneefah suka sauka kan Momy, ganin wata mai labcourt ta fito tamikawa Momy tace gashi kusa hannu za'a mata CS domin ceto ran danta. Momy dake cike da damuwa tace yaushe muka kawo ta? Batai nakuda sosai bama muka kawota yanzu za'a mata CS? Likitar tace ke mata bazaki gaya mana aikin muba, in zaku sa hannu toh in bazaku saka hannu ba zaku iya daukarta ku koma. Salma tace a'a zamusa hannu kiyi hakuri mudai Allah sa ayi a sa'a. Haneefah tayi hanzarin karban takardan cike da bacin rai tana kallon likitan tace me kika ta? A wulakance likitar ke kallon Haneefah tace KE! nace da ita, Haneefah ta matso kusa da ita tace maimaita inji? Zata qara cewa K... bata qarasa ba Haneefah ta sauke mata kyakykyawar mari. Kallonta tayi cike da mamaki tace kika mare ni? Haneefah ta kuma yi mata marin ji kake Tasss!! ~Bintu Ramadan~ *Dr HANEEFAH* 👩🏼48 Dedicated to Batul Mamman (Mrs)💖 Sannan na tabbata baki da son kai tunda har kina gudun bacin raina innaji zancen aure, namiji in ya soma maganar aure ba'a iya dakatar dashi, kuma ba yinsa bane yin Allah ne zanfi jin dadi inya auro ki domin nasan halin ki, pls Haneefah ina taya mijina neman auran ki. Ba Haneefah ba hatta Dr yayi mamakin matarsa. Dukkan su shiru sukai kowa da abinda yake ayyanawa a zuciyarsa. Tashiwa Haneefah tayi zata fita Ramlat ta kama hannunta tace bakice komai ba? Haneefah tace zanyi tunani. Hadiza ta samu a bakin kofa tana jiranta. Hadiza tace Haneefah zan kara missing naki, gashi wannan cikin zan kara haifa bakyanan nikam duk na kagu kizo tsorona daya kada ki hadu da mazaunin can kiyi aure. Haneefah maganar dariya ta bata tace shekara mai zuwa zanzo insha Allah. Hadiza ta rike hannuwanta tace sis ki manta da Yusuf, lokaci yayi da zaki mance shi, nasan abin da wuya domin haduwarku kunyi soyayya, yadda ra'ayinku da dabi'arku yazo daya ne kikejin kamar bazaki samu kamar saba amma kada ki manta, Allah daya hada ku shizai kara hadaki da wadda yafisa, kiyi la'akari da yadda kowa bayason damuwarki, fatansu ki kasance cikin kwanciyar hankali, da wannan nake rokon ki kicireshi azuciyarki ki daina damuwa kansa, insha Allah komai zai daidaita. Haneefah tayi murmushi tace sis bazanyi alkawarin daina sonshi ba domin Allah ne ya halicci wannan son azuciyata, zan miki alkawarin aure da zarar nagama duk wadda ya fitomin zai aureni zan amince amma saina dawo gida Nigeria, sannan bazan amince da auren Dr Mubarak ba. Hadiza ta zaro ido tace yana sonki ne? Haneefah tace eh. Hadiza tace bazamu miki dole ba duk wadda kike so shi zamu baki. Sukai sallama tamkar kada su rabu da juna. Haneefah tana tafiya tana tunani "_ Hakika inka hadu da yan uwa da abokai nagari ka godewa Allah domin kullum ganin ka cikin farin ciki shine burinsu, sannan zasu kasance masu maka nasihohi masu ratsa zuciya_" Me nake nema arayuwar duniya?? Yardar Allah, tsoron Allah da soyayyar annabi aduk inda nake, faranta ran iyaye da rabuwa dasu lafiya! Iyaye da dangi suna alfahari dani, tabbas babu abinda abinda yafi wannan dadi. Sai taimako ga mabukata tare da rayuwar gidan aure ya saura, tabbas zanyi biyayyan aure ko waye na aura bisa tsarin addini insha Allah. Da irin wadannan tunanen ta iso gida. Tana zuwa ta shiga gidan Inna bayan sun gaisa ta fito ta shiga gidansu. A sannan suka soma shirin tara kaya. ****